Iá, ol ýádeni úiip-tógip jatyr. Biz tyńdap otyrmyz. Tańǵalyp otyrǵanymyzdy da jasyrmaimyz. Ministr bolǵany kúni keshe ǵana, biraq taý qoparatyn túri bar.
Reformalar, reformalar jáne taǵy da reformalar. Bir jerden kórgen, bir jerden estigen siiaqtymyz. Iá, estigenbiz. Saǵadiev te osy ministrlikte ózinen burynǵy adamǵa qatty uqsaidy. Ol da sóitken…
Sonymen, Saǵadiev qandai ýáde berdi? Jiliktep jetkizeiikshi.
Birinshisi. Aldaǵy úsh jylda Qazaqstandaǵy oryssha oqityn 500 myń oqýshy qazaqsha sóileitin bolady.
Ekinshisi. 2019 jylǵa qarai, balabaqsha kezegi joiylady.
Úshinshisi. 2020 jyly oqýshylardyń 90 paiyzy, stýdentterdiń 100 paiyzy internetpen qamtamasyz etiledi.
Jáne tórtinshisi. 2021 jyly memlekettik úlgidegi diplomdardy berýden bas tartamyz.
Mine, Saǵadiev osylai deidi.
Biz muny ministrdiń ýáde bergeni dep túsindik. Ministr deńgeiindegi adamnyń aitqan sózi jelge ushpaityn shyǵar…
Aitty ma, oryndaidy. Oryndaýy kerek. Ýádeniń missiiasy sondai ózi.
Saǵadievtiń ýádeleriniń ishinde bizge «oryssha oqityn 500 myń balany qazaqsha sóiletkeli otyrǵan» bastamasy unady. Durys qoi endi.
Táýelsiz elde ómirge kelgen urpaqtyń qazaqsha sóileitin jóni bar ǵoi.
Alaida aitýǵa ońai. Saǵadievtiń aldaǵy úsh jyl degeni – 2019 jyl. Kórińiz de turyńyz, óte shyǵady. Úsh jyldyń ishinde oryssha oilaityn, oryssha tús kóretin 500 myń oqýshyny qazaqsha sóiletpek, Saǵadiev. Biraq, qalai?
25 jyl boiy qazaqsha sóilemegen, urpaǵyn da sóiletpegen álgi 500 myń oqýshynyń ata-anasy Saǵadievtiń sózinen keiin ózgerip shyǵa keledi degenge kim senedi?
Sonda, Saǵadievtiń ózi sol merzimge deiin osy oryntaǵyn saqtap qalaryna senimdi me?.. Bizde solai ǵoi, bilesiz.
Sosyn, onyń ornyna kelgen ózge bireý Saǵadievtiń bastap bergenin jalǵastyrýǵa qulyqty bolar ma eken? Aitalyq, Saǵadievtyń ózi Sárinjipov bastap ketken qai reformany aiaǵyna deiin jetkizdi?
Ótkenge úńilsek, osy ministrliktiń kreslosyna otyratyndardyń birde-biri ózinen burynǵylardyń bastap bergenin jalǵastyrmaǵan. Barlyǵy reformamen kelgen. Barlyǵy taý qoparatyn siiaqty kóringen.
Solai.
Qazaq «aryq sóilep, semiz shyq» deidi. Kóreiik. Kúteiik.
