Eks-politseidiń biylǵy jyldyń sáýir aiynda 50 myń teńge para alǵany anyqtalǵan edi. Atalǵan is Qylmystyq kodekstiń 366-shy "Para alý" baby boiynsha qaralyp, prokýror tártip saqshysyn 4,5 jylǵa sottaýdy surady, dep habarlaidy Dalanews.kz.
Sot sheshimi boiynsha Qanat Muqanov aiypty dep tanylyp, 8,7 mln teńge tóleýge mindetteldi. Budan bólek, ómir boiy memqyzmette isteý quqyǵynan aiyryldy. Sýdia 11-shi sáýirden búginge deiingi aralyqta abaqtyda otyrǵan Muqanovtyń merzimin aiyppul retinde esepteitinin málimdedi. Osylaisha aiyppul mólsheri 1,7 mln teńgege tómendep, eks-politsei 7 mln teńge óteýge mindetteldi.
"Úkim zańdyq kúshine engenge deiin bultartpaý sharasy eshqaida ketpeý týraly qolhatqa almastyrylsyn jáne Muqanov qamaýdan shuǵyl bosatylsyn", - dedi sot Asqar Ismailov.
Talap-shartqa sai eks-tártip saqshysyna aiyppuldy óteýge bir ai merzim berilgen. Kelisimdi keshiktirgen nemese oryndamaǵan bolsa, úkim bas bostandyǵynan aiyrý jazasyna aýystyrylady.
Sonymen qatar, sýdia buǵan deiin Muqanovtyń politsiia podpolkovnigi sheninen aiyrylǵanyn atap ótip, memleket esebine 50 myń teńge tóleýge mindettedi.
https://dalanews.kz/del-qazir/81052-baybek-eki-ese-qymbatqa-satyp-algan-qy
https://dalanews.kz/news/81023-dikiy-arman-qayrat-satybaldynyng-zhoba
