«Qazaqtelekom» Astanada elimizdiń barlyq óńirinen elýden astam belsendi, ári bolashaǵynan zor úmit kúttiretin jas mamandaryń basyn qosqan Jas Telecom 2.0 jyl saiynǵy jastar forýmyn ótkizdi. Forým jastardyń kompaniia basshylyǵymen ashyq áńgimelesetin, telekom salasynyń jańa býyn kóshbasshylaryn kásibi turǵyda damytyp, qalyptastyratyn basty alańǵa ainaldy, dep habarlaidy Dalanews.kz.
Forým Qazaqstan Respýblikasynyń Prezidenti jariialaǵan jumysshy kásipter jylynda ótti, bul tehnikalyq jáne qoldanbaly mamandyqtardy damytýdyń, adal eńbek mártebesin arttyryp, joǵary tehnologiialyq jumys oryndaryn qurýdyń ózektiligin kórsetedi.
Kúni boiy qatysýshylar paneldik sessiia, master-klasstar jáne taqyryptyq pikirtalastarǵa belsene qatysty, ózderin tolǵandyrǵan suraqtaryn qoiyp, jańa bastamalar usyndy jáne kompaniiany transformatsiialaýdyń negizgi baǵyttary jóninde keri bailanys aldy. Forýmda sondai-aq «Jas Telecom» jastar qozǵalysynyń jańa basshysy sailandy, bul basqarý quramyn jańartýdaǵy mańyzdy qadam boldy.
«Qazaqtelekom» AQ Basqarma Tóraǵasy Baǵdat Mýsin qatysýshylar aldynda sóilegen sózinde jas qyzmetkerlerdiń kompaniia men salany damytýda róli zor ekenin atap ótti. «Biz tehnologiia jaiyn kóp aitamyz, biraq eń úlken resýrs – adam ekenin umytpaǵan jón. Al eń qýatty, kúsh-jigeri tasyǵan resýrs – jastar. Sizder siiaqty jas mamandar kompaniiaǵa erekshe ideialar, tosyn kózqaras pen jańa serpin ákeledi. Búgin munda elimizdiń túkpir-túkpirinen kelgen jas mamandar – kompaniianyń ǵana emes, Qazaqstannyń da bolashaǵyna úles qosýǵa saqadai sai daiyn tur. Telekom indýstriiasy ózgerister toǵysynda. Eldiń tsifrlyq bolashaǵy sizderdiń qoldaryńyzda», – dedi ol.
Forým Kompaniianyń korporativtik ortany damytyp, qyzmetkerlerge qoldaý kórsetý baǵytyndaǵy júieli jumystyń kezekti kezeńi boldy. Sońǵy jyldary «Qazaqtelekom» jastarǵa arnalǵan bastamalardy, úzdiksiz bilim alý jáne eńbek jolynda ósý tetikterin qosa alǵanda, qyzmetkerlerge arnalǵan baǵdarlamalardy kúsheitýde. Ótken ailarda kompaniia basshylyǵy óńir-óńirdi aralap, ujymdarmen kezdesti, usynys-ideialaryn jinap, qyzmetkerlerdiń suranystaryn naqtylady. Jinalǵan usynys-ideialar, keri bailanys bastamany qoldap, ashyq áleýmettik «lift» qalyptastyrýǵa jáne kásibi quzyrettilikti keńeitýge baǵyttalǵan kadrlyq saiasattyń negizin qalady. Mundai emen jarqyn áńgime tájiribesi – qyzmetkerlerdiń naqty ózgeristerge túrtki bolyp, kompaniianyń transformatsiiasyna tikelei yqpal ete alatynyn kórsetti.
Jastar baǵytyn damytýdyń jańa kezeńi de kóshbasshylyqty jańartýmen bailanysty. Forým qorytyndysy boiynsha qozǵalysty belsendi satý bóliminiń bas mamany Abylaihan Sermahan basqardy, ol eńbek ótilin 2014 jyly elektromonter bolyp bastaǵan jáne «Qazaqtelekom» ishinde kásibi ósý jolynan ótken. «Men úshin mundai mańyzdy qozǵalysty basqarý úlken jaýapkershilik. Jas Telecom qazirdiń ózinde jastardyń ósýi men birigýi úshin mańyzdy platformaǵa ainaldy. Búginde telekommýnikatsiia salasynyń qaryshtap ózgerip jatqanyn kórip otyrmyz jáne kompaniianyń jańa tsifrlyq dáýirge qanshalyqty nyq senimmen aiaq basatyny bizge bailanysty», – dep atap ótti ol.
Jas Telecom 2.0 forýmy jas mamandardy jumyldyryp, olarǵa jańa múmkindikter ashady, kásibi turǵyda damý úshin turaqty ortany qalyptastyrady. Shara jastardy qoldaý jónindegi memlekettik jáne korporativtik saiasattyń mańyzdy bóligine ainaldy.
