Qaitalap qylmys jasaǵan alaiaq turǵyndardy ondaǵan million teńgege aldap ketken, dep habarlaidy Dalanews.kz.
Qylmysker tabysty kásipkerdiń keipin jasap, onyń qylmystyq nietinen beihabar azamattardyń senimsizdigin paidalanyp, jalǵan kelisim-sharttar jasaý arqyly aldanǵan klientterdi Resei Federatsiiasynan básekege qabiletti baǵamen eden satyp alý múmkindigi týraly jańylystyrǵan.
Sottalýshy áleýetti satyp alýshylardy áleýmettik jelilerde óziniń jalǵan áreketterin belsendi túrde jarnamalai otyryp, shetelden qurylys materialdaryn jetkizýde qalyptasqan bailanystar týraly sendirgen.
Mysaly, jábirlenýshilerdiń birine 6 mln teńgeden astam zalal keltirilgen, bul qarajatty qylmysker óz qalaýy boiynsha jumsaǵan.
Sottalǵannyń qylmystyq áreketinen barlyǵy 49 adam - jalpy somasy 82 mln teńgeden astam shyǵynǵa zardap shekken.
Sotta prokýrorlar sottalýshynyń óz mindettemelerin oryndaýǵa naqty múmkindigi bolmaǵanyn, jetkizý sharttaryn óziniń qylmystyq nietin iske asyrý maqsatynda jasaǵanyn, jymqyrylǵan aqshalai qarajatty jeke maqsatta jumsaǵanyn dáleldedi.
Sonymen qatar, sottalǵan adamosyǵan uqsas alaiaqtyq faktileri úshin buryn bas bostandyǵynan aiyrý oryndarynda jazasyn ótegeni anyqtaldy.
Dáleldemelerdiń bultartpas bolýyna bailanysty sottalýshy óz kinásin tolyq moiyndady.
Qylmysker 4 jyl 8 aiǵa bas bostandyǵynan aiyrý jazasyna sottaldy, jábirlenýshilerdiń azamattyq talaptary tolyǵymen qanaǵattandyryldy. Úkim zańdy kúshine endi.
Elorda prokýratýrasy azamattardy saq bolýǵa jáne kúmándi mámilelerge barmaýǵy shaqyrady.
