قايتالاپ قىلمىس جاساعان الاياق تۇرعىنداردى ونداعان ميلليون تەڭگەگە الداپ كەتكەن، دەپ حابارلايدى Dalanews.kz.

قىلمىسكەر تابىستى كاسىپكەردىڭ كەيپىن جاساپ، ونىڭ قىلمىستىق نيەتىنەن بەيحابار ازاماتتاردىڭ سەنىمسىزدىگىن پايدالانىپ، جالعان كەلىسىم-شارتتار جاساۋ ارقىلى الدانعان كليەنتتەردى رەسەي فەدەراسياسىنان باسەكەگە قابىلەتتى باعامەن ەدەن ساتىپ الۋ مۇمكىندىگى تۋرالى جاڭىلىستىرعان.

سوتتالۋشى الەۋەتتى ساتىپ الۋشىلاردى الەۋمەتتىك جەلىلەردە ءوزىنىڭ جالعان ارەكەتتەرىن بەلسەندى تۇردە جارنامالاي وتىرىپ، شەتەلدەن قۇرىلىس ماتەريالدارىن جەتكىزۋدە قالىپتاسقان بايلانىستار تۋرالى سەندىرگەن.

مىسالى، جابىرلەنۋشىلەردىڭ بىرىنە 6 ملن تەڭگەدەن استام زالال كەلتىرىلگەن، بۇل قاراجاتتى قىلمىسكەر ءوز قالاۋى بويىنشا جۇمساعان.

سوتتالعاننىڭ قىلمىستىق ارەكەتىنەن بارلىعى 49 ادام - جالپى سوماسى 82 ملن تەڭگەدەن استام شىعىنعا زارداپ شەككەن.

سوتتا پروكۋرورلار سوتتالۋشىنىڭ ءوز مىندەتتەمەلەرىن ورىنداۋعا ناقتى مۇمكىندىگى بولماعانىن، جەتكىزۋ شارتتارىن ءوزىنىڭ قىلمىستىق نيەتىن ىسكە اسىرۋ ماقساتىندا جاساعانىن، جىمقىرىلعان اقشالاي قاراجاتتى جەكە ماقساتتا جۇمساعانىن دالەلدەدى.

سونىمەن قاتار، سوتتالعان اداموسىعان ۇقساس الاياقتىق فاكتىلەرى ءۇشىن بۇرىن باس بوستاندىعىنان ايىرۋ ورىندارىندا جازاسىن وتەگەنى انىقتالدى.

دالەلدەمەلەردىڭ بۇلتارتپاس بولۋىنا بايلانىستى سوتتالۋشى ءوز كىناسىن تولىق مويىندادى.          

قىلمىسكەر 4 جىل 8 ايعا باس بوستاندىعىنان ايىرۋ جازاسىنا سوتتالدى، جابىرلەنۋشىلەردىڭ ازاماتتىق تالاپتارى تولىعىمەن قاناعاتتاندىرىلدى. ۇكىم زاڭدى كۇشىنە ەندى.

ەلوردا پروكۋراتۋراسى ازاماتتاردى ساق بولۋعا جانە كۇماندى مامىلەلەرگە بارماۋعى شاقىرادى.