Aqtóbede iri kólemde aqsha jymqyrǵany úshin sottalǵan býhgalter jumys istegen mektepte 8 jylǵa jýyq ýaqyt ishinde memlekettik aýdit birde-bir josparly tekseris júrgizbegeni anyqtaldy, - dep habarlaidy Dalanews.kz "Diapazon" basylymyna siltep.
Bul qylmystyq is qoǵamda rezonans týdyrdy. Sonymen qatar, kópshilikti onyń birneshe jyl boiy qylmystyq istermen jalǵyz ainalysqany tańǵaldyrdy.
Sot otyrysy barysynda sýdia Álieva biýdjet qarajatyn asa iri mólsherde urlaýǵa ákep soqtyrǵan sebepterdi anyqtady. 2019-2023 jyldar aralyǵynda №55 mektepte biýdjet qarajatyn maqsatsyz paidalaný turǵysynan birde-bir memlekettik aýdit júrgizilmegeni belgili boldy. Sondai-aq, 8 jylǵa jýyq ýaqyt ishinde memlekettik aýdit bul oqý ornynda birde-bir josparly tekseris júrgizbegen.
Sot Qarjy ministrligine mundai jaǵdailar qaitalanbaýy úshin sharalar qabyldaýdy talap etip, jeke qaýly shyǵardy.
Aita keteiik, buǵan deiin Aqtóbede №55 mektep gimnaziiasynyń bas býhgalteri sottalǵan edi.
Ol asa iri mólsherde biýdjet qarajatyn jymqyrǵany úshin kináli dep tanyldy. Jaýapty tulǵa 8 jyl boiy óziniń bank shotyna jalaqy retinde zańsyz aýdarymdar jasaǵan, nátijesinde memleketke 413,8 million teńge somasynda zalal keltirgen.
Tek bir jyl ishinde ol ózine 200 million teńgeden asa qarajat aýdarǵan, bul - búkil mekteptiń jyldyq eńbekaqy qorynyń 30 paiyzy.
Sot úkimimen oǵan 7 jyl bas bostandyǵynan aiyrý jazasy taǵaiyndaldy, sondai-aq, 10 jyl merzimge materialdyq jaýapty laýazymdardy atqarý quqyǵynan aiyryldy.
