Aqtaýda elektr jelisindegi apat saldarynan qalanyń birneshe yqshamaýdany jaryqsyz qaldy, dep habarlaidy dalanews.kz.
«Aqtaý elektr jelilerin basqarý» memlekettik kommýnaldyq kásipornynyń málimetinshe, elektr energiiasy 14, 15, 16, 28, 29, 30-yqshamaýdandarda jáne «Tolqyn-1» shaǵynaýdanynda ýaqytsha óshken.
Qazir apattyq brigadalar zaqymdanǵan ýchaskelerde qalpyna keltirý jumystaryn júrgizip, elektrmen jabdyqtaýdy qaita qosý úshin jumys istep jatyr.
Aita keteiik, bul – Batys Qazaqstan óńirlerinde sońǵy kúnderi tirkelgen alǵashqy jaǵdai emes. 28 shildede Atyraý qalasynyń bir bóliginde de elektr qýaty ýaqytsha óshken bolatyn. Ol kezde Mańǵystaý oblysy baǵytyna elektr aǵynynyń shamadan tys artýyna bailanysty avtomatty qorǵanys júiesi iske qosylǵan.
Mamandar mundai joǵary júktemeniń basty sebebi óńirde birneshe kúnnen beri saqtalyp turǵan 40 gradýstan asatyn aptap ystyq ekenin atap ótti. Elektr jelilerine túsetin salmaqtyń artýy tutynýdyń kúrt kóbeiýimen bailanysty.
