Asa iri mólsherde urlyq jasaǵan kúdikti Grýziiadan ekstraditsiialandy, dep habarlaidy Dalanews.kz.
Bas prokýratýra málimetinshe, tergeý barysynda kúdikti kompaniia basshysy bolǵanyna qaramastan, adamdarmen aldyn ala sóz bailasyp, qarajatty urlaý maqsatynda memlekettik satyp alý normasyn qoldanbai, spýtnik jáne telekommýnikatsiia jabdyǵyn jalǵa alýdyń zańsyz shartyn jasaǵany anyqtalǵan.
Qylmystyq is-áreket saldarynan "Transtelekom" AQ arqyly memleketke 4 milliard teńgeden asa shyǵyn kelgen.
Qylmys jasaǵannan keiin kúdikti jasyrynǵan, osyǵan bailanysty halyqaralyq izdeý jariialanǵan. Naýryzda ol Grýziia aýmaǵynda ustalyp, Qazaqstannyń Bas prokýratýrasynyń suraýy boiynsha ekstraditsiialandy. Kúdikti tergeý izoliatoryna qamaldy.
