Batys Qazaqstan oblysynda aliment tóleýden jaltarǵan boryshker 6 aiǵa bas bostandyǵynan aiyryldy, dep habarlaidy dalanews.kz.
BQO kámeletke tolmaǵandar isteri jónindegi mamandandyrylǵan aýdanaralyq sotynyń 5 mamyrdaǵy úkimimen er adam Qazaqstan Respýblikasy Qylmystyq kodeksiniń 139-baby boiynsha kináli dep tanylǵan.
Sot barysynda onyń bir jyldan astam ýaqyt boiy kámeletke tolmaǵan balasyn asyraý jónindegi sot sheshimin oryndamaǵany anyqtalǵan. Sonyń saldarynan aliment boiynsha qaryzy 4 million teńgege jetken.
Prokýratýra málimetinshe, buǵan deiin de ol osyndai quqyqbuzýshylyq úshin qylmystyq jaýapkershilikke tartylǵan. Alaida raqymshylyq jasaý týraly aktiniń qoldanylýyna bailanysty jazadan bosatylǵan. Soǵan qaramastan ata-analyq mindetterin oryndaýdan jaltarýyn jalǵastyrǵan.
Sot úkimi ázirge zańdy kúshine engen joq.
Vedomstvonyń dereginshe, biylǵy jyldyń alǵashqy tórt aiynda Batys Qazaqstan oblysynda aliment tóleýden jaltarý faktileri boiynsha Qylmystyq kodekstiń 139-babymen 21 qylmystyq quqyqbuzýshylyq tirkelgen. Onyń ishinde 7 is taraptardyń tatýlasýyna bailanysty toqtatylsa, 5 is boiynsha aiyptaý úkimderi shyǵarylǵan. Qalǵan ister óndiriste jatyr.
Prokýratýra sot sheshimderin oryndamaý qylmystyq jaýapkershilikke ákeletinin eske saldy.
