باتىس قازاقستان وبلىسىندا اليمەنت تٶلەۋدەن جالتارعان بورىشكەر 6 ايعا باس بوستاندىعىنان ايىرىلدى, دەپ حابارلايدى dalanews.kz.
بقو كەمەلەتكە تولماعاندار ٸستەرٸ جٶنٸندەگٸ مامانداندىرىلعان اۋدانارالىق سوتىنىڭ 5 مامىرداعى ٷكٸمٸمەن ەر ادام قازاقستان رەسپۋبليكاسى قىلمىستىق كودەكسٸنٸڭ 139-بابى بويىنشا كٸنەلٸ دەپ تانىلعان.
سوت بارىسىندا ونىڭ بٸر جىلدان استام ۋاقىت بويى كەمەلەتكە تولماعان بالاسىن اسىراۋ جٶنٸندەگٸ سوت شەشٸمٸن ورىنداماعانى انىقتالعان. سونىڭ سالدارىنان اليمەنت بويىنشا قارىزى 4 ميلليون تەڭگەگە جەتكەن.
پروكۋراتۋرا مەلٸمەتٸنشە, بۇعان دەيٸن دە ول وسىنداي قۇقىقبۇزۋشىلىق ٷشٸن قىلمىستىق جاۋاپكەرشٸلٸككە تارتىلعان. الايدا راقىمشىلىق جاساۋ تۋرالى اكتٸنٸڭ قولدانىلۋىنا بايلانىستى جازادان بوساتىلعان. سوعان قاراماستان اتا-انالىق مٸندەتتەرٸن ورىنداۋدان جالتارۋىن جالعاستىرعان.
سوت ٷكٸمٸ ەزٸرگە زاڭدى كٷشٸنە ەنگەن جوق.
ۆەدومستۆونىڭ دەرەگٸنشە, بيىلعى جىلدىڭ العاشقى تٶرت ايىندا باتىس قازاقستان وبلىسىندا اليمەنت تٶلەۋدەن جالتارۋ فاكتٸلەرٸ بويىنشا قىلمىستىق كودەكستٸڭ 139-بابىمەن 21 قىلمىستىق قۇقىقبۇزۋشىلىق تٸركەلگەن. ونىڭ ٸشٸندە 7 ٸس تاراپتاردىڭ تاتۋلاسۋىنا بايلانىستى توقتاتىلسا, 5 ٸس بويىنشا ايىپتاۋ ٷكٸمدەرٸ شىعارىلعان. قالعان ٸستەر ٶندٸرٸستە جاتىر.
پروكۋراتۋرا سوت شەشٸمدەرٸن ورىنداماۋ قىلمىستىق جاۋاپكەرشٸلٸككە ەكەلەتٸنٸن ەسكە سالدى.
