Aqordanyń habarlaýynsha, álemge áigili brend Almaty oblysynda snekter shyǵaratyn zaýyt qurylysyna kiristi. Investitsiia kólemi – 368 million dollar.
Prezident jobany iske asyrýdan kútiletin ekonomikalyq paidaǵa nazar aýdardy. Kompaniia 900-ge tarta turaqty jumys ornyn ashýdan bólek, qytyrlaqqa arnalǵan kartopty jergilikti jerde ósirýge nietti.
Stiven Kihonyń aitýynsha, búgingi tańda baǵdarlamaǵa Pavlodar, Aqmola, Qaraǵandy, Almaty jáne Jetisý oblystarynan 15-ke jýyq sharýashylyq qosylǵan. Budan bólek, shikizatty saqtaý bazasyn keńeitip, kartop ónimdiligi men sapasyn arttyrý úshin ǵylymi tásilge júginý josparlanyp otyr.
Qasym-Jomart Toqaev PepsiCo kompaniiasynyń ornyqty agrosharýashylyqty damytý bastamasyna qoldaý bildirip, Úkimet pen jergilikti ákimdik óndiristiń ýaqtyly iske qosylýyna barynsha jaǵdai jasaitynyn aitty.
Buǵan deiin Memleket basshysy Qasym-Jomart Toqaevtyń Niý-Iorktegi jumys sapary bastalǵany belgili. Aqordanyń habarlaýynsha, Memleket basshysy BUU Bas Assambleiasynyń mereitoilyq 80-shi sessiiasy aiasyndaǵy Jalpy debatta sóz sóileidi. Prezident birqatar memleket basshylarymen jáne halyqaralyq uiym jetekshilerimen kelissóz júrgizýdi josparlap otyr.
