2019 jyldyń sońyna deıin Almaty oblysyndaǵy jaqsy jáne qanaǵattanarlyq jaǵdaıdaǵy oblystyq mańyzy bar avtomobıl jolynyń úlesi 78,5%-ǵa jetedi. Jalpy, oblystyq mańyzy bar avtomobıl jolynyń uzyndyǵy 6138,6 shaqyrym, – dep habarlaıdy Almaty oblysy ákiminiń baspasóz qyzmeti.

Oblystyq jolaýshy kóligi jáne avtomobıl joldary basqarmasynyń málimetine qaraǵanda, oblystyq mańyzy bar avtomobıl jolynda qaýipsiz jáne úzilissiz qozǵalysty qamtamasyz etý úshin 2019 jyly jóndeý jáne kútip-ustaý jumystaryna 20 317,938 mln teńge qarastyrylǵan, onyń ishinde: respýblıkalyq búdjetten – 8 167,674 mln teńge, jergilikti búdjetten – 12 150,264 mln teńge. Osy bólingen qarajatqa 348,2 shaqyrym jol jóndeledi dep kútilýde.

Sol sıaqty 2019 jyly 27 shaqyrym avtomobıl jolynyń qurylysy men qaıta jańǵyrtýǵa, sondaı-aq jobalyq-smetalyq qujattary men tehnıko-ekonomıkalyq negizdemesin ázirleýge 4 098,957 mln teńge bólindi, sonyń 2641,854 mln teńgesi respýblıkalyq búdjetten bolsa, 1 457,103 mln teńgesi jergilikti búdjetten qarastyrylǵan.