Qazaqstandyq Alatau City Bank Reseige 31 milliard teńge qaryz bolyp shyqty, dep habarlaidy Dalanews.kz.
Baza telegram arnasynyń málimetinshe, 2019 jyly Kipr kompaniiasy “Paploma Holdings Limited” Reseidegi kollektorlyq agenttik “Kapital-Invest” kompaniiasyna investitsiia salýǵa sheshim qabyldaǵan. Investitsiiany kepilge qoiýǵa “Region-Stroi” jáne birneshe reseilik kompaniia qatysqan.
Alaida investitsiiany qaitarý sátinde kompaniialardyń aqshasy bolmaǵan. Barlyq qarajat Qazaqstandaǵy First Heartland Jusan Bank bankine ótken.
Sot materialdaryna sáikes, onyń “Kapital-Invest” bankimen bailanysy bar ekeni anyqtaldy. Al “Region-Stroi” tek banktiń tehnikalyq kompaniiasy bolyp shyqqan. Bank keiin ony bankrotqa shyǵaryp, qaryz qaitarmaýdy kózdegen.
"Bes jyldyq sot kúresiniń nátijesinde sheshim shyqty. First Heartland Jusan Bank qaryzdy paiyzymen birge jalpy somasy 4 mlrd 416 mln rýbldi (31 mlrd teńge) qaitarýǵa mindetti. Alaida biyl bank iesi aýysyp, bank ataýy “Alatau City Bank” bolyp ózgergen. Onyń jańa iesi qaryzdy qaitarýǵa asyǵar emes, protsesti barynsha sozyp otyr. Endi bank Resei biýdjetine 1 milliard rýblden astam salyq jáne oryndaý tólemderi boiynsha qarajat tóleýi tiis”, — dep habarlady derekkóz.
