Kórmeni ótkizý kezeńinde 630-dan asa saýda núktesi kádesyı ónimderin satýmen aınalysty. Bul týraly Astana Kásipkerlik jáne ónerkásip basqarmasynyń bastyǵy Ryskúl Qaýǵabaevaǵa siltememen astana ákimshiliginiń medıa-ortalyǵy habarlady.



Kórme dúkenderi 250 ónim túrin satqan. Osy jazda atalmysh saýda núktelerinde 300 mln teńgege 175 myńnan artyq lısenzıalanǵan ónim ótkizilgen. Ryskúl Qaýǵabaevanyń aıtýynsha, elorda turǵyndary men qonaqtary arasynda eń tanymal teriden, sazdan, kúmisten, kıizden jasalǵan jáne kórkemóner týyndylary kádesyı  ónimderi boldy. Astanada sándik-qoldanbaly ónerdi dáripteý úshin elordalyq Arbat, «Báıterek» monýmentiniń janynda «Qolónershiler qalasy», Nur Jol gúlzarynda kádesyı dúkenshikteri ashyldy.