كورمەنى وتكىزۋ كەزەڭىندە 630-دان اسا ساۋدا نۇكتەسى كادەسىي ونىمدەرىن ساتۋمەن اينالىستى. بۇل تۋرالى استانا كاسىپكەرلىك جانە ونەركاسىپ باسقارماسىنىڭ باستىعى رىسكۇل قاۋعابايەۆاعا سىلتەمەمەن استانا اكىمشىلىگىنىڭ مەديا-ورتالىعى حابارلادى.



كورمە دۇكەندەرى 250 ءونىم ءتۇرىن ساتقان. وسى جازدا اتالمىش ساۋدا نۇكتەلەرىندە 300 ملن تەڭگەگە 175 مىڭنان ارتىق ليسەنزيالانعان ءونىم وتكىزىلگەن. رىسكۇل قاۋعابايەۆانىڭ ايتۋىنشا، ەلوردا تۇرعىندارى مەن قوناقتارى اراسىندا ەڭ تانىمال تەرىدەن، سازدان، كۇمىستەن، كيىزدەن جاسالعان جانە كوركەمونەر تۋىندىلارى كادەسىي  ونىمدەرى بولدى. استانادا ساندىك-قولدانبالى ونەردى دارىپتەۋ ءۇشىن ەلوردالىق اربات، «بايتەرەك» مونۋمەنتىنىڭ جانىندا «قولونەرشىلەر قالاسى»، نۇر جول گۇلزارىندا كادەسىي دۇكەنشىكتەرى اشىلدى.