Qarjylyq monitoring agenttiginiń Qaraǵandy oblysy boiynsha departamenti "Keń Dala 2" baǵdarlamasy aiasynda kóktemgi egis jáne egin jinaý jumystaryna bólingen nesie qarajatyn jymqyrý deregi boiynsha tergeý júrgizip jatyr, dep habarlaidy dalanews.kz.
2025 jylǵy mamyrda "Agrarlyq nesie korporatsiiasy" AQ filialy men "Rashan" JShS arasynda ainalym qarajatyn tolyqtyrý úshin qaryz berý týraly shart jasalǵan. Shart boiynsha mindetter oryndalýyna "Damý" kásipkerlikti damytý qory" AQ kepildik bergen. Shart talaptaryna sáikes "Rashan" JShS-nyń shotyna 300 mln teńge qarajat aýdarylǵan.
Keiin bul qarajat egis naýqanyna jumsalatyn shyǵyndardy tóleý degen jeleýmen eki JShS-ǵa aýdarylǵan. 148 mln teńgege jýyq qarajat tuqym satyp alýǵa, taǵy 152 mln teńge aýyl sharýashylyǵy tehnikasyn jalǵa alýǵa, sonyń ishinde janar-jaǵarmai men eńbekaqy shyǵyndaryna aýdarylǵan. Alaida is júzinde tuqym satyp alynbaǵany, tehnika jalǵa alynbaǵany jáne kórsetilgen jer telimderine aýyl sharýashylyǵy daqyldary egilmegeni anyqtalǵan.
"Rashan" JShS direktory kúdikti dep tanyldy. Sot sanktsiiasymen onyń múlkine tyiym salyndy. Tergeý jalǵasyp jatyr.
