قارجىلىق مونيتورينگ اگەنتتٸگٸنٸڭ قاراعاندى وبلىسى بويىنشا دەپارتامەنتٸ "كەڭ دالا 2" باعدارلاماسى اياسىندا كٶكتەمگٸ ەگٸس جەنە ەگٸن جيناۋ جۇمىستارىنا بٶلٸنگەن نەسيە قاراجاتىن جىمقىرۋ دەرەگٸ بويىنشا تەرگەۋ جٷرگٸزٸپ جاتىر, دەپ حابارلايدى dalanews.kz.
2025 جىلعى مامىردا "اگرارلىق نەسيە كورپوراتسيياسى" اق فيليالى مەن "راشان" جشس اراسىندا اينالىم قاراجاتىن تولىقتىرۋ ٷشٸن قارىز بەرۋ تۋرالى شارت جاسالعان. شارت بويىنشا مٸندەتتەر ورىندالۋىنا "دامۋ" كەسٸپكەرلٸكتٸ دامىتۋ قورى" اق كەپٸلدٸك بەرگەن. شارت تالاپتارىنا سەيكەس "راشان" جشس-نىڭ شوتىنا 300 ملن تەڭگە قاراجات اۋدارىلعان.
كەيٸن بۇل قاراجات ەگٸس ناۋقانىنا جۇمسالاتىن شىعىنداردى تٶلەۋ دەگەن جەلەۋمەن ەكٸ جشس-عا اۋدارىلعان. 148 ملن تەڭگەگە جۋىق قاراجات تۇقىم ساتىپ الۋعا, تاعى 152 ملن تەڭگە اۋىل شارۋاشىلىعى تەحنيكاسىن جالعا الۋعا, سونىڭ ٸشٸندە جانار-جاعارماي مەن ەڭبەكاقى شىعىندارىنا اۋدارىلعان. الايدا ٸس جٷزٸندە تۇقىم ساتىپ الىنباعانى, تەحنيكا جالعا الىنباعانى جەنە كٶرسەتٸلگەن جەر تەلٸمدەرٸنە اۋىل شارۋاشىلىعى داقىلدارى ەگٸلمەگەنٸ انىقتالعان.
"راشان" جشس ديرەكتورى كٷدٸكتٸ دەپ تانىلدى. سوت سانكتسيياسىمەن ونىڭ مٷلكٸنە تىيىم سالىندى. تەرگەۋ جالعاسىپ جاتىر.
