Ótken sársenbide men depýtattyq saýal jasaǵanda qazaq tili memlekettik til retinde Konstitýtsiiada bekitilgenmen, biraq osy ýaqytqa deiin Memlekettik til týraly arnaiy zań joq! Óitkeni, Konstitýtsiiada kórsetilgen memlekettik statýstyń ómirde iske asýy úshin arnaiy zań qabyldanýy kerek edi.
Sondyqtan da memlekettik organdarǵa qazaq tilinde habarlasqandar sol memlekettik tilde jaýap ala almaityn jaǵdai jii kezdesedi. Óitkeni, memlekettik qyzmetkerlerdiń kóbisi qazaq tildi bilmeidi, tek orys tilinde sóileidi. Bul jerde ulty qazaq azamattar tildik diskrimantsiiaǵa ushyrap keledi 30 jyldan beri.
Sondyqtan men 2012 jyly «Aq jol» partiiasynyń memlekettik tildiń qoldanylýyn arttyrý jóninde zań jobasyn jasaǵanyn, ony Úkimet toqtatyp tastaǵanyn eske saldym.
Kezekti ret Memlekettik til týraly zań qabyldaýdy usyndym. Memlekettik til retinde Konstitýtsiiada kórsetilgen statýs sonda ǵana naqty ómirde iske asady.
Mine osy usynysty ózge bir top depýtattar da qoldap, patriottyǵyn kórsetti, olarǵa kóp rahmet!
2020 jyly Qazaqstan Halqy Assambleiasynda barlyq etnos ókilderi Memlekettik tildi mindetteý týraly zań qabyldaý týraly úndeý qabyldaǵanyn da atap aitý kerek.
Al Konstitýtsiialyq ózgeristerge kelsek, búginde basty maqsat 30 jylǵy eski siresken saiasi júieni reformalap, jańartyp jatqan Prezident bastamasyna bárimiz qoldaý bildirýimiz kerek.
Bul Atazańǵa ener ózgeristerdi halyq talqysyna salýy – Jańa dáýirdi jariialaǵan Qazaqstan Prezidenti Qasym-Jomart Toqaevtyń taǵy bir jańa qadamy.
Endi eski Qazaqstannyń taptaýryn súrleýinen sharshaǵan eldi Jańa Qazaqstannyń jańa qadamy – halyqtyń óz taǵdyryn ózi sheshetin referendýmy kútip tur.
Jańa dáýirin jariialaǵan Qazaq Eliniń, ekinshi respýblikanyń Konstitýtsiiasy halyqtyń óz tańdaýymen ómirge joldama almaq.
Prezident usynǵan memleketimizdi ózgertetin jalpyhalyqtyq referendýmda bárimiz óz tańdaýymyzdy jasai bileiik.
Qazybek ISA, QR Parlamenti Májilisi depýtaty, «Aq jol» partiiasy tóraǵasy orynbasary
