«17 oblystyń máslıhattary pılottyq rejımde saılaý ótkizý úshin aýdan men oblystyq mańyzy bar qalalardyń tizimin bekitti, onyń ishinde úsh qala men 42 aýdan bar», - dedi Nurlan Ábdirov.
Kandıdattardy tirkeý 15 qyrkúıekte bastalyp, saılaýdyń ózine 25 kún qalǵanda – 10 qazanda aıaqtalady.
Saılaý naýqanynyń negizgi merziminde kandıdattardy usynýǵa 20 kún, kandıdattardy tirkeýge 25 kún qarastyrylǵan. Kandıdattardy tirkegennen keıin birden saılaýaldy úgit-nasıhat jumystary bastalady, ol 24 kúnge sozylady. Kandıdattardy usyný saıası partıalar arqyly jáne ózin-ózi usyný arqyly júrgiziledi.
