Instagram-da Qazaqstan Respýblikasynyń Qarjy ministrligine tiesili sait paida boldy. Onda 2024 jylǵy 11 aqpanǵa deiin beriletin 3 mln teńgeden bastalatyn ótemaqy týraly habarlandyrý shyqqan. Tólem somasyn bilý úshin paidalanýshy JSN-in engizýi kerek. Bul jalǵan saitty alaiaqtar jasaǵan, dep habaralaidy Dalanews.kz stopfake.kz-ke siltep.
Tólemder týraly aqparat ornalastyrylǵan portaldyń domeni .com. Bul qazaqstandyq vedomstvonyń resmi paraqshasy emes, elimizde memlekettik organdardyń barlyq saittary qazaqstandyq .kz domeninde ornalasqan.
QR Qarjy ministrliginiń baspasóz qyzmeti vedomstvonyń jalǵan saitqa eshqandai qatysy joq ekenin rastady. Fishingtik silteme alaiaqtyq maqsatta jasalǵan veb-resýrsqa aparady. Onda shyqqan ótemaqy týraly aqparat shyndyqqa janaspaidy.
QR Qarjy ministrligi qazaqstandyqtardan saq bolyp, kúmándi resýrstarda jeke derekterin qaldyrmaýyn suraidy. Sondai-aq vedomstvonyń resmi portalynda ornalastyrylǵan tekserilgen aqparatqa ǵana senýge shaqyrady.
QR Qarjy ministrliginiń atynan taraǵan ótemaqy týraly habarlama jalǵan, silteme boiynsha ótpeńizder jáne osy saitta jeke aqparatpen bólispeńizder.
