Instagram-دا قازاقستان رەسپۋبليكاسىنىڭ قارجى مينيسترلٸگٸنە تيەسٸلٸ سايت پايدا بولدى. وندا 2024 جىلعى 11 اقپانعا دەيٸن بەرٸلەتٸن 3 ملن تەڭگەدەن باستالاتىن ٶتەماقى تۋرالى حابارلاندىرۋ شىققان. تٶلەم سوماسىن بٸلۋ ٷشٸن پايدالانۋشى جسن-ٸن ەنگٸزۋٸ كەرەك. بۇل جالعان سايتتى الاياقتار جاساعان, دەپ حابارالايدى Dalanews.kz stopfake.kz-كە سٸلتەپ.
تٶلەمدەر تۋرالى اقپارات ورنالاستىرىلعان پورتالدىڭ دومەنٸ .com. بۇل قازاقستاندىق ۆەدومستۆونىڭ رەسمي پاراقشاسى ەمەس, ەلٸمٸزدە مەملەكەتتٸك ورگانداردىڭ بارلىق سايتتارى قازاقستاندىق .kz دومەنٸندە ورنالاسقان.
قر قارجى مينيسترلٸگٸنٸڭ باسپاسٶز قىزمەتٸ ۆەدومستۆونىڭ جالعان سايتقا ەشقانداي قاتىسى جوق ەكەنٸن راستادى. فيشينگتٸك سٸلتەمە الاياقتىق ماقساتتا جاسالعان ۆەب-رەسۋرسقا اپارادى. وندا شىققان ٶتەماقى تۋرالى اقپارات شىندىققا جاناسپايدى.
قر قارجى مينيسترلٸگٸ قازاقستاندىقتاردان ساق بولىپ, كٷمەندٸ رەسۋرستاردا جەكە دەرەكتەرٸن قالدىرماۋىن سۇرايدى. سونداي-اق ۆەدومستۆونىڭ رەسمي پورتالىندا ورنالاستىرىلعان تەكسەرٸلگەن اقپاراتقا عانا سەنۋگە شاقىرادى.
قر قارجى مينيسترلٸگٸنٸڭ اتىنان تاراعان ٶتەماقى تۋرالى حابارلاما جالعان, سٸلتەمە بويىنشا ٶتپەڭٸزدەر جەنە وسى سايتتا جەكە اقپاراتپەن بٶلٸسپەڭٸزدەر.
