28 naýryz kúni elimizdiń barlyq óńirlik, qalalyq jáne oblystyq onkologiia ortalyqtarynda qaterli isikti aldyn alýǵa arnalǵan biryńǵai ashyq esik kúni uiymdastyrylady, dep habarlaidy Dalanews.kz.
Atalǵan kúni saǵat 9:00-den 13:00-ge deiin jetekshi onkolog-dárigerler qazaqstandyqtardy joldamasyz jáne aldyn ala jazylýsyz tegin qabyldaidy.
Sharanyń negizgi maqsaty – qaterli isikterdi erte kezeńde anyqtaý. Mamandardyń aitýynsha, dertti bastapqy satysynda anyqtaý emniń tiimdiligin arttyryp, naýqastyń ómir sapasyn saqtaýǵa múmkindik beredi.
Qabyldaýǵa kelýshiler ózimen birge jeke kýáligin, sondai-aq buryn jasalǵan meditsinalyq tekserýlerdiń nátijeleri bolsa, sony alyp kelýi qajet.
