28 наурыз күні еліміздің барлық өңірлік, қалалық және облыстық онкология орталықтарында қатерлі ісікті алдын алуға арналған бірыңғай ашық есік күні ұйымдастырылады, деп хабарлайды Dalanews.kz.
Аталған күні сағат 9:00-ден 13:00-ге дейін жетекші онколог-дәрігерлер қазақстандықтарды жолдамасыз және алдын ала жазылусыз тегін қабылдайды.
Шараның негізгі мақсаты – қатерлі ісіктерді ерте кезеңде анықтау. Мамандардың айтуынша, дертті бастапқы сатысында анықтау емнің тиімділігін арттырып, науқастың өмір сапасын сақтауға мүмкіндік береді.
Қабылдауға келушілер өзімен бірге жеке куәлігін, сондай-ақ бұрын жасалған медициналық тексерулердің нәтижелері болса, соны алып келуі қажет.
