26 myń jumys oryny iesin tappaǵan
– Ótken jyly Qazaqstanda jumys berýshiler jariia etken 26 myń jumys orny jabylmai qaldy. Bul bos jumys oryndarynda ekonomikalyq turǵyda belsendi jastardyń 26 paiyzy úmitker bola almady. Óitkeni, olardyń mekteptegi bilimderi ǵana bar, – dep atap ótti ol.
Sonymen qatar, ministrdiń aitýynsha, otandyq joǵary jáne orta arnaýly oqý oryndaryn bitirgen túlekterdiń basym bóliginiń mamandyǵyna eńbek naryǵynda suranys joq nemese olardyń biliktilikteri jumys berýshilerdiń talaptaryna sai kelmeidi.
Mundai trendtiń aldyn alý jáne eńbek resýrstarynyń biliktiligin arttyrý úshin Memleket basshysy ónimdi eńbek jáne jappai kásipkerlikti damytýdyń jańa baǵdarlamasyn ázirleýdi tapsyrdy. «Onyń basty maqsaty – azamattardy eńbek naryǵynda talap etiletin kásipke nemese kásipkerlik negizderine jappai oqytýdy uiymdastyrý», - dedi Dúisenova.
