– وتكەن جىلى قازاقستاندا جۇمىس بەرۋشىلەر جاريا ەتكەن 26 مىڭ جۇمىس ورنى جابىلماي قالدى. بۇل بوس جۇمىس ورىندارىندا ەكونوميكالىق تۇرعىدا بەلسەندى جاستاردىڭ 26 پايىزى ۇمىتكەر بولا المادى. ويتكەنى، ولاردىڭ مەكتەپتەگى بىلىمدەرى عانا بار، – دەپ اتاپ ءوتتى ول.
سونىمەن قاتار، ءمينيستردىڭ ايتۋىنشا، وتاندىق جوعارى جانە ورتا ارناۋلى وقۋ ورىندارىن بىتىرگەن تۇلەكتەردىڭ باسىم بولىگىنىڭ ماماندىعىنا ەڭبەك نارىعىندا سۇرانىس جوق نەمەسە ولاردىڭ بىلىكتىلىكتەرى جۇمىس بەرۋشىلەردىڭ تالاپتارىنا ساي كەلمەيدى.
مۇنداي ترەندتىڭ الدىن الۋ جانە ەڭبەك رەسۋرستارىنىڭ بىلىكتىلىگىن ارتتىرۋ ءۇشىن مەملەكەت باسشىسى ءونىمدى ەڭبەك جانە جاپپاي كاسىپكەرلىكتى دامىتۋدىڭ جاڭا باعدارلاماسىن ازىرلەۋدى تاپسىردى. «ونىڭ باستى ماقساتى – ازاماتتاردى ەڭبەك نارىعىندا تالاپ ەتىلەتىن كاسىپكە نەمەسە كاسىپكەرلىك نەگىزدەرىنە جاپپاي وقىتۋدى ۇيىمداستىرۋ»، - دەدى دۇيسەنوۆا.
