Túrkistan qalasyn taza aýyz sýmen qamtamasyz etý maqsatynda salynǵan jańa nysannyń qurylysy aıaqtaldy. «Túrkistan Sý arnasy» mekemesi 200 myńǵa jýyq halqy bar shahardy 100 paıyz ortalyqtandyrylǵan aýyz sýmen qamtamasyz etýge qaýqarly. Ázirge bul múmkindik halyqtyń 20%-y ǵana bar. Oblys ákimi Ómirzaq Shókeev jańa strategıalyq nysannyń jumysymen tanysyp, jaýapty sala basshylaryna tapsyrmalar júktedi, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Qurylys barysynda 25 myń shaqyrymnan astam qubyr tartylyp, Túrkistan qalasyndaǵy ortalyq sý qoımasyna qosymsha 5000 m3 rezervýarlar salynǵan. Qaladaǵy barlyq eski jáne jańadan boı kótergen ǵımarattarǵa káriz júıesi júrgizildi.

Jańa sý arnasy tolyq zamanaýı tehnıkamen jabdyqtalǵan. Energıa únemdeıtin joǵary tehnologıalyq qondyrǵylar qoıylǵan sý sharýashylyǵy qalany sýmen jabdyqtaý jáne sý burý júıesi arqyly tıimdi qamtamasyz etýge baǵyttalǵan iri operatorǵa aınalýǵa bar múmkindigi bar.

Túrkistan qalasyn úzdiksiz sýmen qamtamasyz etetin jańa mekeme – tolyq avtomattandyrylǵan úlken óndiristik keshen. Uńǵymalar arqyly qýatty sorǵylar kóp metrlik tereńdikten tiri ylǵalǵa ıe bolady jáne ony magıstraldy sý qubyryna beredi.

Zararsyzdandyrylǵan, taza aýyz sýmen halyqty qamtamasyz etetin jańa sý arnasynda sý shyǵyny tolyq baqylaýda. Sorǵylardyń jaı-kúıi, sý kólemi, qubyrdaǵy qysym jáne basqa da arnaıy parametrler týraly derekter dıspecherlik bekettiń monıtorlarynda kórsetiledi.