Qazaqstan aýmaǵynda Skandınavıa tarapynan kelgen antısıklonnyń áseri saqtalady. Sonyń saldarynan eldiń soltústigi, shyǵysy jáne ortalyq óńirlerinde jaýyn-shashyn bolmaı, aýa raıy birshama salqyndaý bolady, dep habarlaıdy Dalanews.kz.

Sınoptıkterdiń aıtýynsha, aldaǵy kúnderi aýa temperatýrasy birtindep kóterile bastaıdy.

Al batys pen ońtústik óńirlerde aýa raıy qubylmaly bolmaq. Bul aımaqtarda jańbyr jaýyp, keı jerlerde naızaǵaı kútiledi. Ońtústik oblystardyń taýly bólikterinde jańbyr aralas qar jaýyp, jel kúsheıýi múmkin.

Sondaı-aq elimizdiń birqatar óńirinde túngi jáne tańǵy ýaqytta tuman túsýi yqtımal.

Kúndiz batys, soltústik jáne ortalyq aımaqtarda aýa temperatýrasy 15–23 gradýsqa deıin kóteriledi. Shyǵysta 10–18 gradýs shamasynda bolady. Al ońtústik pen ońtústik-shyǵysta kún 17–28 gradýsqa deıin jylynady.