Janat Elimanovtyń baiandaýynsha, memleketke jalpy somasy 217 milliard teńge bolatyn aktivter qaitaryldy, sondai-aq kóleńkeli ekonomikanyń deńgeii 18,7 paiyzǵa deiin tómendedi.
Sondai-aq, quqyq qorǵaý organdaryna 229 taldaý materialy joldanǵan, esirtki satýshylardyń qarjylyq operatsiialaryn buǵattaý tájiribesi jolǵa qoiylǵan. Esirtkiniń zańsyz ainalymynan túsetin kiristerdi jylystatý úshin paidalanylǵan 924 banktik shot buǵattalǵan.
Agenttik tóraǵasy kriptoaktivterdi paidalana otyryp jasalatyn ekonomikalyq qylmystarǵa qarsy is-qimyl jónindegi arnaiy bólimshe qurylǵanyn, kripto-ámiiandarǵa tyiym salý jáne tsifrlyq valiýtany alyp qoiý tetigi ázirlengenin málim etti. 9 ai ishinde zańsyz 9 kripto almastyrǵyshtyń qyzmeti joiylǵan. Ondaǵy qarjy ainalymy 17 milliard teńgeden asqan.
Elimizde alǵash ret kriptovaliýta arqyly qylmystyq jolmen tapqan 47 million teńge tabys tárkilenip, Agenttiktiń Binance kriptobirjasyndaǵy arnaiy shotyna salynǵan.
Budan bólek, terroristik jáne ekstremistik uiymdardyń shottaryna qarajat aýdarýǵa kózdegen 976 áreket anyqtalyp, buǵattalǵan.
