جانات ەليمانوۆتىڭ بايانداۋىنشا، مەملەكەتكە جالپى سوماسى 217 ميلليارد تەڭگە بولاتىن اكتيۆتەر قايتارىلدى، سونداي-اق كولەڭكەلى ەكونوميكانىڭ دەڭگەيى 18،7 پايىزعا دەيىن تومەندەدى.
سونداي-اق، قۇقىق قورعاۋ ورگاندارىنا 229 تالداۋ ماتەريالى جولدانعان، ەسىرتكى ساتۋشىلاردىڭ قارجىلىق وپەراسيالارىن بۇعاتتاۋ تاجىريبەسى جولعا قويىلعان. ەسىرتكىنىڭ زاڭسىز اينالىمىنان تۇسەتىن كىرىستەردى جىلىستاتۋ ءۇشىن پايدالانىلعان 924 بانكتىك شوت بۇعاتتالعان.
اگەنتتىك ءتوراعاسى كريپتواكتيۆتەردى پايدالانا وتىرىپ جاسالاتىن ەكونوميكالىق قىلمىستارعا قارسى ءىس-قيمىل جونىندەگى ارنايى بولىمشە قۇرىلعانىن، كريپتو-امياندارعا تىيىم سالۋ جانە سيفرلىق ۆاليۋتانى الىپ قويۋ تەتىگى ازىرلەنگەنىن ءمالىم ەتتى. 9 اي ىشىندە زاڭسىز 9 كريپتو الماستىرعىشتىڭ قىزمەتى جويىلعان. ونداعى قارجى اينالىمى 17 ميلليارد تەڭگەدەن اسقان.
ەلىمىزدە العاش رەت كريپتوۆاليۋتا ارقىلى قىلمىستىق جولمەن تاپقان 47 ميلليون تەڭگە تابىس تاركىلەنىپ، اگەنتتىكتىڭ Binance كريپتوبيرجاسىنداعى ارنايى شوتىنا سالىنعان.
بۇدان بولەك، تەرروريستىك جانە ەكسترەميستىك ۇيىمداردىڭ شوتتارىنا قاراجات اۋدارۋعا كوزدەگەن 976 ارەكەت انىقتالىپ، بۇعاتتالعان.
