2030 jyly Almatyda velosiped joldarynyń uzyndyǵy 262,8 shaqyrymǵa deiin jetedi
Qalada 77,2 shaqyrym infraqurylym joldary abattandyryldy, onyń 21,5 shaqyrymy velojolaqtar, 55,6 shaqyrym velosiped joldary. «Orbita» shaǵyn aýdanynan Kók bazarǵa deiin ainalmaly úzilissiz velobaǵyt jasalnǵan.
Jol qozǵalysyna qatysýshylardy qorǵaý jáne qaýipsizdigin qamtamasyz etý maqsatynda velosiped joldaryn júris bóliginen ajyratatyn 2 myńnan astam jol blokatorlary ornatylǵan.
Qazirgi kezde Almaty qalalyq Mobildilik basqarmasy «Kólik jáne kommýnikatsiia ǵylymi-zertteý jáne jobalaý institýty» JShS-men birlesip, qalanyń velosiped pen jaiaý júrginshiler infraqurylymyn damytý Strategiiasyn ázirleýde.
Strategiianyń basty maqsaty – halyqtyń mikromobildiligi men salaýatty ómir saltyn nasihattaý, balamaly kólik túrlerine qolaily jaǵdailar jasaý, ekologiialyq taza kólik túrlerine kóshý, tynysh jáne qosymsha aimaqtardy qamtityn velosiped jelilerin qosý kózdelgen.
Qala turǵyndarynyń ótinishteri boiynsha Strategiiaǵa balalar men jasóspirimderge velosipedpen kóshe boiymen qaýipsiz qozǵalýdy úiretý engizildi.
Strategiiany iske asyrý aiasynda 2030 jylǵa deiin 185 shaqyrymnan astam velosiped infraqurylymyn abattandyrý jáne onyń uzyndyǵyn 2,5 esege, iaǵni 262,8 shaqyrymǵa deiin arttyrý josparlanǵan. 2024 jyly – 190,9 shaqyrymǵa deiin, 2026 jyly – 223,6 shaqyrymǵa deiin, 2030 jyly – 262,8 shaqyrymǵa deiin arttyrý josparlanǵan.
Aita keterligi, Almaty Bike velotizbegi modernizatsiiadan ótip jatyr. Velosiped parki 1760 velosipedten jáne 187 beketten turady. 480 velosipedke kúrdeli jóndeý júrgizildi, olar jelige shyǵaryldy. 7 tamyzǵa deiin qosymsha 250 velosipedti jóndeý josparlanǵan.
Osy jyly júiede qoldanýshylarǵa qyzmet kórsetý úshin jańa AlmatyBike mobildi qosymshasy men CRM júiesin ázirleý josparlanyp otyr. Bul qoldanýshylarǵa onlain rejiminde AlmatyBike-te tirkelýge jáne satý bólimderine barý qajettiligin joiýǵa múmkindik beredi.
Júiege 50 myńnan astam qoldanýshy tirkelgen. Shamamen 2,9 million sapar jasaldy jáne 6 million km-den astam jol júrildi. 2021 jyldyń birinshi jartysynda 342 myń sapar jasalyp, 685 myń km júrip ótildi.
