قالادا 77،2 شاقىرىم ينفراقۇرىلىم جولدارى اباتتاندىرىلدى، ونىڭ 21،5 شاقىرىمى ۆەلوجولاقتار، 55،6 شاقىرىم ۆەلوسيپەد جولدارى. «وربيتا» شاعىن اۋدانىنان كوك بازارعا دەيىن اينالمالى ءۇزىلىسسىز ۆەلوباعىت جاسالنعان.
جول قوزعالىسىنا قاتىسۋشىلاردى قورعاۋ جانە قاۋىپسىزدىگىن قامتاماسىز ەتۋ ماقساتىندا ۆەلوسيپەد جولدارىن ءجۇرىس بولىگىنەن اجىراتاتىن 2 مىڭنان استام جول بلوكاتورلارى ورناتىلعان.
قازىرگى كەزدە الماتى قالالىق موبيلدىلىك باسقارماسى «كولىك جانە كوممۋنيكاسيا عىلىمي-زەرتتەۋ جانە جوبالاۋ ينستيتۋتى» جشس-مەن بىرلەسىپ، قالانىڭ ۆەلوسيپەد پەن جاياۋ جۇرگىنشىلەر ينفراقۇرىلىمىن دامىتۋ ستراتەگياسىن ازىرلەۋدە.
ستراتەگيانىڭ باستى ماقساتى – حالىقتىڭ ميكروموبيلدىلىگى مەن سالاۋاتتى ءومىر سالتىن ناسيحاتتاۋ، بالامالى كولىك تۇرلەرىنە قولايلى جاعدايلار جاساۋ، ەكولوگيالىق تازا كولىك تۇرلەرىنە كوشۋ، تىنىش جانە قوسىمشا ايماقتاردى قامتيتىن ۆەلوسيپەد جەلىلەرىن قوسۋ كوزدەلگەن.
قالا تۇرعىندارىنىڭ وتىنىشتەرى بويىنشا ستراتەگياعا بالالار مەن جاسوسپىرىمدەرگە ۆەلوسيپەدپەن كوشە بويىمەن ءقاۋىپسىز قوزعالۋدى ۇيرەتۋ ەنگىزىلدى.
ستراتەگيانى ىسكە اسىرۋ اياسىندا 2030 جىلعا دەيىن 185 شاقىرىمنان استام ۆەلوسيپەد ينفراقۇرىلىمىن اباتتاندىرۋ جانە ونىڭ ۇزىندىعىن 2،5 ەسەگە، ياعني 262،8 شاقىرىمعا دەيىن ارتتىرۋ جوسپارلانعان. 2024 جىلى – 190،9 شاقىرىمعا دەيىن، 2026 جىلى – 223،6 شاقىرىمعا دەيىن، 2030 جىلى – 262،8 شاقىرىمعا دەيىن ارتتىرۋ جوسپارلانعان.
ايتا كەتەرلىگى، Almaty Bike ۆەلوتىزبەگى مودەرنيزاسيادان ءوتىپ جاتىر. ۆەلوسيپەد پاركى 1760 ۆەلوسيپەدتەن جانە 187 بەكەتتەن تۇرادى. 480 ۆەلوسيپەدكە كۇردەلى جوندەۋ جۇرگىزىلدى، ولار جەلىگە شىعارىلدى. 7 تامىزعا دەيىن قوسىمشا 250 ۆەلوسيپەدتى جوندەۋ جوسپارلانعان.
وسى جىلى جۇيەدە قولدانۋشىلارعا قىزمەت كورسەتۋ ءۇشىن جاڭا AlmatyBike ءموبيلدى قوسىمشاسى مەن CRM جۇيەسىن ازىرلەۋ جوسپارلانىپ وتىر. بۇل قولدانۋشىلارعا ونلاين رەجيمىندە AlmatyBike-تە تىركەلۋگە جانە ساتۋ بولىمدەرىنە بارۋ قاجەتتىلىگىن جويۋعا مۇمكىندىك بەرەدى.
جۇيەگە 50 مىڭنان استام قولدانۋشى تىركەلگەن. شامامەن 2،9 ميلليون ساپار جاسالدى جانە 6 ميلليون كم-دەن استام جول ءجۇرىلدى. 2021 جىلدىڭ ءبىرىنشى جارتىسىندا 342 مىڭ ساپار جاسالىپ، 685 مىڭ كم ءجۇرىپ ءوتىلدى.
