2026 jylǵy 1 qańtardan bastap qazaqstandyqtar jeke kýálikti alǵashqy ret rásimdegende jáne qoldaný merzimi aiaqtalǵan soń aýystyrǵanda tegin alady, dep habarlaidy Dalanews.kz.
Ishki ister ministrliginiń Kóshi-qon qyzmeti komitetiniń málimetinshe, jyl basynan beri:
- 1,9 million jeke kýálik;
- 1,1 million Qazaqstan azamatynyń pasporty;
- 303 myń balalar pasporty berilgen.
«Alǵash ret beriletin jeke kýálikter tegin bolady. Sondai-aq jeke kýáliktiń qoldaný merzimi aiaqtalǵan soń aýystyrylǵan jaǵdaida da olar memlekettik baj tólenbei daiyndalady», deidi Komitet tóraǵasy Aslan Atalyqov.
Aita keteiik, 2026 jylǵy 1 qańtardan bastap ailyq eseptik kórsetkishtiń (AEK) ósýine bailanysty pasport, júrgizýshi kýáligi jáne ózge de qujattardy rásimdeý quny qymbattaidy. AEK mólsheri 3 932 teńgeden 4 325 teńgege deiin ósedi.
