2026 jyl Tsifrlandyrý jáne jasandy intellekt jyly bolyp jariialandy, dep habarlaidy Dalanews.kz.
Bul týraly Memleket basshysy Qasym-Jomart Toqaev málimdedi.
"2026 jyly Qazaqstan jańǵyrýdyń jańa kezeńine qadam basady. Elimizdiń jarqyn keleshegi úshin aldaǵy konstitýtsiialyq reformanyń mán-mańyzy zor. Azamattarymyz Qazaqstannyń ósip-órkendeýine tyń serpin beretin bul reformany qoldaidy dep senemin. Biz energetikalyq áleýetimizdi nyǵaityp, agroónerkásip kesheni, sý sharýashylyǵy máselelerin sheship, kólik-logistika salasyn jáne turǵyn úi-kommýnaldyq sharýashylyǵynyń infraqurylymyn damyta beremiz. Shaǵyn jáne orta biznes árdaiym memlekettiń nazarynda bolady. Barlyq óńirde jańa kásiporyndar ashylyp, joldar jóndeledi, sondai-aq turǵyn úiler, mektepter, densaýlyq saqtaý, sport jáne mádeniet nysandary boi kóteredi.
Men biylǵy Joldaýymda Tsifrlyq memleket bolýymyz kerektigin jariialadym. Sondyqtan kelesi jyldy Tsifrlandyrý jáne jasandy intellekt jyly dep ataý týraly sheshim qabyldadym. Ozyq tehnologiialar elimizdiń barlyq saladaǵy áleýetin arttyrýǵa jol ashpaq", - dedi Prezident.
