Eńbek jáne halyqty áleýmettik qorǵaý ministrligi 2025 jyly áleýmettik-eńbek salasyna arnalǵan respýblikalyq biýdjet shyǵystary 6 trln 108 mlrd-tan astam teńgeni quraitynyn, bul 2024 jylǵy shyǵystardan 14 %-ǵa nemese 748,7 mlrd teńgege artyq ekenin naqtylaidy, dep jazady Dalanews.kz.
"Kózdelgen shyǵystardyń 97,9 %-y nemese 5 trln 982 mlrd teńgesi azamattarǵa áleýmettik tólemderge baǵyttalatyn bolady. Onyń ishinde 4 trln 262 mlrd teńge zeinetaqymen qamsyzdandyrýǵa qarastyrylǵan, bul shamamen 2,5 mln zeinetkerdi qamtýǵa múmkindik beredi (sany 77,8 myńǵa ósken), 1 trln 720 mlrd teńge – barlyq járdemaqylardy tóleýge, bul shamamen 2,3 mln adamdy qamtýǵa múmkindik beredi", delingen 2025 jyly 5 qańtarda jariialanǵan EHÁQM habarlamasynda.
Ministrlik málimetinshe, qalǵan qarajat halyqty jumyspen qamtýǵa járdemdesý sharalaryn iske asyrýǵa, múgedektigi bar adamdardy tehnikalyq quraldarmen jáne ońaltý qyzmetterimen qamtamasyz etýge, azamattyq qyzmetshilerdiń eńbekaqysyn arttyrýǵa jáne t. b. baǵyttalatyn bolady.
Buryn habarlanǵandai, qazirgi kezde respýblikalyq biýdjet qarajaty esebinen bazalyq jáne yntymaqty zeinetaqyny qosa alǵanda, áleýmettik tólemderdiń 41 túri tólenedi. 2024 jyly járdemaqylar men zeinetaqylardy tóleýge 4,5 mln adamǵa, onyń ishinde 2,4 mln zeinetker men 2,1 mln memlekettik járdemaqy alýshyǵa 5 trln 261 mlrd teńge jumsaldy.
QR Eńbek jáne halyqty áleýmettik qorǵaý ministrligi qabyldaǵan áleýmettik tólemder boiynsha barlyq mindettemeler ýaqtyly jáne tolyq kólemde oryndaldy.
Buǵan deiin 1 qańtardan bastap zeinetaqy men járdemaqylar mólsheri óskenin jazǵanbyz.
