ەڭبەك جانە حالىقتى الەۋمەتتىك قورعاۋ مينيسترلىگى 2025 جىلى الەۋمەتتىك-ەڭبەك سالاسىنا ارنالعان رەسپۋبليكالىق بيۋدجەت شىعىستارى 6 ترلن 108 ملرد-تان استام تەڭگەنى قۇرايتىنىن، بۇل 2024 جىلعى شىعىستاردان 14 %-عا نەمەسە 748،7 ملرد تەڭگەگە ارتىق ەكەنىن ناقتىلايدى، دەپ جازادى Dalanews.kz.
"كوزدەلگەن شىعىستاردىڭ 97،9 %-ى نەمەسە 5 ترلن 982 ملرد تەڭگەسى ازاماتتارعا الەۋمەتتىك تولەمدەرگە باعىتتالاتىن بولادى. ونىڭ ىشىندە 4 ترلن 262 ملرد تەڭگە زەينەتاقىمەن قامسىزداندىرۋعا قاراستىرىلعان، بۇل شامامەن 2،5 ملن زەينەتكەردى قامتۋعا مۇمكىندىك بەرەدى (سانى 77،8 مىڭعا وسكەن)، 1 ترلن 720 ملرد تەڭگە – بارلىق جاردەماقىلاردى تولەۋگە، بۇل شامامەن 2،3 ملن ادامدى قامتۋعا مۇمكىندىك بەرەدى"، دەلىنگەن 2025 جىلى 5 قاڭتاردا جاريالانعان ەحاقم حابارلاماسىندا.
مينيسترلىك مالىمەتىنشە، قالعان قاراجات حالىقتى جۇمىسپەن قامتۋعا جاردەمدەسۋ شارالارىن ىسكە اسىرۋعا، مۇگەدەكتىگى بار ادامداردى تەحنيكالىق قۇرالدارمەن جانە وڭالتۋ قىزمەتتەرىمەن قامتاماسىز ەتۋگە، ازاماتتىق قىزمەتشىلەردىڭ ەڭبەكاقىسىن ارتتىرۋعا جانە ت. ب. باعىتتالاتىن بولادى.
بۇرىن حابارلانعانداي، قازىرگى كەزدە رەسپۋبليكالىق بيۋدجەت قاراجاتى ەسەبىنەن بازالىق جانە ىنتىماقتى زەينەتاقىنى قوسا العاندا، الەۋمەتتىك تولەمدەردىڭ 41 ءتۇرى تولەنەدى. 2024 جىلى جاردەماقىلار مەن زەينەتاقىلاردى تولەۋگە 4،5 ملن ادامعا، ونىڭ ىشىندە 2،4 ملن زەينەتكەر مەن 2،1 ملن مەملەكەتتىك جاردەماقى الۋشىعا 5 ترلن 261 ملرد تەڭگە جۇمسالدى.
ق ر ەڭبەك جانە حالىقتى الەۋمەتتىك قورعاۋ مينيسترلىگى قابىلداعان الەۋمەتتىك تولەمدەر بويىنشا بارلىق مىندەتتەمەلەر ۋاقتىلى جانە تولىق كولەمدە ورىندالدى.
بۇعان دەيىن 1 قاڭتاردان باستاپ زەينەتاقى مەن جاردەماقىلار مولشەرى وسكەنىن جازعانبىز.
