2025 jyly Qazaqstanǵa kelgender sany 20,7%-ǵa, al elden ketkender sany 40,5%-ǵa qysqardy. Bul týraly Ulttyq statistika biýrosy málimdedi, dep habarlaidy Dalanews.kz.
Vedomstvo málimetinshe, 2025 jyldyń qańtar–jeltoqsan ailary aralyǵynda elge 23 761 adam kelgen. Osy kezeńde Qazaqstannan ketkender sany 7 608 adamdy qurady. Nátijesinde kóshi-qon saldosy 16 153 adam deńgeiinde qalyptasty.
Kóshi-qon aǵynynyń basym bóligi TMD elderine tiesili: kelgenderdiń 81,8%-y jáne ketkenderdiń 71,8%-y osy elderdiń úlesinde.
Sonymen qatar el ishindegi kóshi-qon belsendiligi artqan. 2024 jylmen salystyrǵanda ishki kóshi-qon kólemi 13,6%-ǵa ósti. Óńiraralyq kóshi-qon boiynsha halyq sanynyń oń saldosy tórt óńirde qalyptasty: Astana qalasy – 87 459 adam, Almaty qalasy – 12 110 adam, Shymkent – 15 130 adam jáne Almaty oblysy – 33 126 adam.
