2025 جىلى قازاقستانعا كەلگەندەر سانى 20,7%-عا, ال ەلدەن كەتكەندەر سانى 40,5%-عا قىسقاردى. بۇل تۋرالى ۇلتتىق ستاتيستيكا بيۋروسى مەلٸمدەدٸ, دەپ حابارلايدى Dalanews.kz.
ۆەدومستۆو مەلٸمەتٸنشە, 2025 جىلدىڭ قاڭتار–جەلتوقسان ايلارى ارالىعىندا ەلگە 23 761 ادام كەلگەن. وسى كەزەڭدە قازاقستاننان كەتكەندەر سانى 7 608 ادامدى قۇرادى. نەتيجەسٸندە كٶشٸ-قون سالدوسى 16 153 ادام دەڭگەيٸندە قالىپتاستى.
كٶشٸ-قون اعىنىنىڭ باسىم بٶلٸگٸ تمد ەلدەرٸنە تيەسٸلٸ: كەلگەندەردٸڭ 81,8%-ى جەنە كەتكەندەردٸڭ 71,8%-ى وسى ەلدەردٸڭ ٷلەسٸندە.
سونىمەن قاتار ەل ٸشٸندەگٸ كٶشٸ-قون بەلسەندٸلٸگٸ ارتقان. 2024 جىلمەن سالىستىرعاندا ٸشكٸ كٶشٸ-قون كٶلەمٸ 13,6%-عا ٶستٸ. ٶڭٸرارالىق كٶشٸ-قون بويىنشا حالىق سانىنىڭ وڭ سالدوسى تٶرت ٶڭٸردە قالىپتاستى: استانا قالاسى – 87 459 ادام, الماتى قالاسى – 12 110 ادام, شىمكەنت – 15 130 ادام جەنە الماتى وبلىسى – 33 126 ادام.
