2025 jyly mánerlep syrǵanaýshy Mihail Shaidorovty daiarlaýǵa biýdjetten 263,4 mln teńge jumsalǵan. Bul qarjyǵa jattyǵý protsesi, halyqaralyq jarystarǵa qatysý, bapkerler men mamandardyń eńbekaqysy, sondai-aq sportshynyń jalaqysy kirgen, dep habarlaidy Dalanews.kz.
Týrizm jáne sport ministrliginiń málimetinshe, qarajattyń basym bóligi oqý-jattyǵý protsesin uiymdastyrýǵa baǵyttalǵan. Bir jyl ishinde sportshy 19 oqý-jattyǵý jiynyn ótkizgen. Onyń segizi Qazaqstanda, 11-i shetelde ótken. Bul maqsatqa 47 mln teńge jumsalǵan. Al bes halyqaralyq týrnirge qatysý shyǵyndary 16 mln teńgeni quraǵan.
Sportshynyń jyldyq jalaqysy 33 989 000 teńge bolǵan. Sonymen qatar memleket onyń jattyqtyrýshylar shtabynyń jumysyn da qarjylandyrǵan. Jeke bapkeri Aleksei Ýrmanov 26 mln teńgeden astam, al horeograf Ivan Regini shamamen 23 mln teńge alǵan.
Qosymsha shyǵyndarǵa jarys baǵdarlamalaryn qoiý, kostiýmder tigý jáne mýzykalyq súiemeldeýge avtorlyq quqyq satyp alý kirgen. Álem chempionaty men Aziia oiyndaryndaǵy tabysty óneri úshin sportshyǵa 6,7 mln teńge kóleminde birjolǵy syiaqy tólengen, al jattyqtyrýshylar shtaby 1,5 mln teńge alǵan.
Buǵan deiin týrizm jáne sport vitse-ministri Serik Jarasbaev mánerlep syrǵanaýshy ai saiyn shamamen 1,5 mln teńge kóleminde kelisimsharttyq tólem alatynyn habarlaǵan. Vedomstvo sportshy bapkerleriniń eńbekaqysyn memleket tolyq óteitinin de atap ótti.
