Jańa mólshermeler kólemi Memleket basshysynyń 2024 jylǵy 4 jeltoqsanda qol qoiǵan "2025-2027 jyldarǵa arnalǵan respýblikalyq biýdjet týraly"zańymen bekitilgenin basa aita ketelik, dep jazady Dalanews.kz.
Qujatqa sáikes, 2025 jylǵy 1 qańtardan bastap:
- eń tómengi jalaqy (ETJ) – 85 000 teńge (2024 jyly – 85 000 teńge);
- ailyq eseptik kórsetkish (AEK) – 3 932 teńge (2024 jyly – 3 692 teńge);
- memlekettik bazalyq zeinetaqy tóleminiń eń tómengi mólsheri 32 360 teńge (2024 jyly – 28 215 teńge);
- eń tómengi zeinetaqy – 62 771 teńge (2024 jyly – 57 853 teńge);
- bazalyq áleýmettik tólemderdiń (BÁJ) mólsherin esepteýdegi eń tómengi kúnkóris deńgeii 46 228 teńge (2024 jyly – 43 407 teńge) quraidy.
Zańda jasy boiynsha jáne eńbek etken jyldary boiynsha zeinetaqy tólemderi olardyń mólsheriniń 8,5%-ǵa ulǵaiýy eskerile otyryp belgilengeni naqtylanady.
Mindetti meditsinalyq saqtandyrý boiynsha memlekettik jarnalar mólsheri – memlekettik jarnalardy esepteý obektisinen 2% kóleminde aýdarylady.
Buǵan deiin Memleket basshysy "Qazaqstan Respýblikasynyń Ulttyq qorynan 2025 – 2027 jyldarǵa arnalǵan kepildendirilgen transfert týraly" Qazaqstan Respýblikasynyń Zańyna, sonymen qatar prezident "2025–2027 jyldarǵa arnalǵan respýblikalyq biýdjet týraly" zańǵa da qol qoiǵanyn jazǵanbyz.
