Qazaqstan Respýblikasy Mádeniet jáne aqparat ministrligi 2025 jyldyń I jartyjyldyǵy boiynsha qorytyndylardy usynady. Atap aitqanda, BAQ-ty tirkeý men jańartý, quqyqqa qarsy kontentpen kúres, halyqaralyq yntymaqtastyq, birlesken jobalar jáne taratý aiasyn keńitý máseleleri qarastyrylady,- dep habarlaidy Dalanews.kz
BAQ-ty tirkeý
Respýblikada barlyǵy 4 871 buqaralyq aqparat quraly tirkelgen. Onyń ishinde 3 002 merzimdi basylym (gazet, jýrnal), 236 telearna, 98 radio, 1 231 aqparat agenttigi men onlain-basylym bar. 2025 jyldyń I jartyjyldyǵynda BAQ reestri jańartylyp, el aýmaǵynda 140 BAQ qyzmetin toqtatyp (59 gazet, 62 jýrnal, 19 internet-basylym), tirkeýden shyǵaryldy.
«Quqyqqa qaishy kontent» taratýǵa qarsy sharalar
Jyl basynan beri internet jelisinen 74 130 zańǵa qaishy material anyqtalyp, olardyń 36 667-i joiylǵan. Onlain platformalardan 49 896 material tabylyp, onyń 12 433-i joiyldy.
Ortaq jobalar
«Evraziia» arnasy reseilik «Pervyi kanal» arnasymen birlesip, Qazaqstanda «Alligator» atty 8 seriialy kórkem serial túsirdi. Búginde «Qazaqstan» arnasy túrkiialyq «Kanal D» arnasymen birge «Qaita oralǵan Úmit» atty 100 seriialy telehikaiany jaryqqa shyǵarmaq. «24KZ» arnasy Qytaidyń CCTV‑4 arnasymen «Ortalyq Aziia – Qytai» sammiti aiasynda Qazaqstan jaily «Ortaq úi» («Obshii dom») atty derekti filmniń premerasyn ótkizdi. «Habar» arnasynda «Uly dala men Aspan asty eli: kórshiler, seriktester, dostar» atty derekti film kórsetildi.
Halyqaralyq yntymaqtastyq
Euronews-pen seriktestik aiasynda «Modern Nomads» televiziialyq baǵdarlamasynyń 12, «East West Connect» 6, «Voices from Central Asia» 6 shyǵarylymy, «Focus» 3 reportajy ázirlendi. Sonymen birge, 2025 jyldyń naýryz-maýsym ailarynda Euronews Academy bilim berý jobasy boiynsha Qazaqstanda jýrnalistika jáne mediamenedjment baǵyttarynda 4 kásibi kýrs uiymdastyryldy.
Taratý aiasyn keńitý
«Sur tabaqshalar» naýqany aiasynda sheteldik spýtnik qurylǵylaryna balama retinde otandyq spýtnik apparattaryn satyp alýǵa yntalandyrý maqsatynda sýbsidiialaý baǵdarlamasy iske qosyldy. Almaty, Jambyl, Túrkistan oblystarynda 300-den astam qurylǵy satyp alý quny sýbsidiialandy. Jaqyn arada shekaralas aimaqtarda turǵyndar 3 000-nan astam apparat paidalanady dep josparlanýda.
