Ulttyq testileý ortalyǵynyń direktory Rýslan Emelbaev 2024 jyly Ulttyq biryńǵai testileýde qandai ózgerister bolatynyn aitty, - dep habarlaidy Dalanews.kz.
Biyl UBT-daǵy pánderdiń sany ózgerissiz qalady, iaǵni 2024 jylǵy talapkerler úsh mindetti jáne tańdaý boiynsha eki pánnen test tapsyrady.
2024 jyly "Oqý saýattylyǵy" men "Matematikalyq saýattylyq" mindetti pánderinen tapsyrmalar sany 5 suraqqa qysqarady. Bul beiindik pánder boiynsha suraqtar sanyn 40-qa deiin arttyrýǵa múmkindik bergen. Sonymen qatar, beiindik pánderde berilgen tizimnen sáikestikti anyqtaýǵa arnalǵan 5 tapsyrma qosylǵan.
"UBT tapsyrmalar sany ózgerissiz qalady, jalpy 120 suraq. Onyń ishinde "Qazaqstan tarihynan" 20 tapsyrma, "Oqý saýattylyǵynan" 10 tapsyrma, "Matematikalyq saýattylyqtan" 10 tapsyrma jáne eki beiindik pán boiynsha 40 tapsyrma. Joǵary ball – 140, ol da ózgerissiz qaldy" - dedi QR ǴJBM Ulttyq testileý ortalyǵynyń direktory Rýslan Emelbaev.
