ۇلتتىق تەستىلەۋ ورتالىعىنىڭ ديرەكتورى رۋسلان ەمەلبايەۆ 2024 جىلى ۇلتتىق ءبىرىڭعاي تەستىلەۋدە قانداي وزگەرىستەر بولاتىنىن ايتتى، - دەپ حابارلايدى Dalanews.kz.
بيىل ۇبت-داعى پاندەردىڭ سانى وزگەرىسسىز قالادى، ياعني 2024 جىلعى تالاپكەرلەر ءۇش مىندەتتى جانە تاڭداۋ بويىنشا ەكى پاننەن تەست تاپسىرادى.
2024 جىلى "وقۋ ساۋاتتىلىعى" مەن "ماتەماتيكالىق ساۋاتتىلىق" مىندەتتى پاندەرىنەن تاپسىرمالار سانى 5 سۇراققا قىسقارادى. بۇل بەيىندىك پاندەر بويىنشا سۇراقتار سانىن 40-قا دەيىن ارتتىرۋعا مۇمكىندىك بەرگەن. سونىمەن قاتار، بەيىندىك پاندەردە بەرىلگەن تىزىمنەن سايكەستىكتى انىقتاۋعا ارنالعان 5 تاپسىرما قوسىلعان.
"ۇبت تاپسىرمالار سانى وزگەرىسسىز قالادى، جالپى 120 سۇراق. ونىڭ ىشىندە "قازاقستان تاريحىنان" 20 تاپسىرما، "وقۋ ساۋاتتىلىعىنان" 10 تاپسىرما، "ماتەماتيكالىق ساۋاتتىلىقتان" 10 تاپسىرما جانە ەكى بەيىندىك ءپان بويىنشا 40 تاپسىرما. جوعارى بالل – 140، ول دا وزگەرىسسىز قالدى" - دەدى ق ر عجبم ۇلتتىق تەستىلەۋ ورتالىعىنىڭ ديرەكتورى رۋسلان ەمەلبايەۆ.
