Qazaqstanda ótken jylmen salystyrǵanda 2024 jyly tólemi merziminen keshiktirilgen, iaǵni ótelmei jatqan mikronesie úlesi 5,2 paiyzǵa ósken. Aita ketsek, banktik qyzmetterge qoljetimdiligi shekteýli jeke tulǵalar men shaǵyn biznes ókilderi mikorqarjylyq qyzmetke kóbine júginedi, dep habarlaidy Dalanews.kz.
2024 jyldyń ekinshi toqsanynda mikorqarjylyq uiymdardyń nesielik portfeli 4,8%-ǵa ósip, 2 569 mlrd teńgeni qurady, dep habarlaidy economy.kz.
Sarapshy Alen Seriktiń málimetinshe, 2024 jylǵy 1 shildedegi jaǵdai boiynsha Qazaqstanda 948 mikrokarjylyq qyzmetpen ainalysatyn uiym (OOMFD) jumys isteidi, olardyń ishinde 223 mikroqarjylyq uiym (MQU), 216 nesie seriktestigi jáne 509 lombard bar. Uiymdar sanynyń azaiýy retteýshi talaptardyń qatańdaýymen jáne naryq qurylymyndaǵy ózgeristermen bailanysty. Atap aitqanda, 2024 jyldyń ekinshi toqsanynda lombarlardyń sany toǵyz uiymǵa azaidy.
2024 jylǵy 1 shildedegi jaǵdai boiynsha mikroqarjylyq uiymdar aktivteri 2 778 mlrd teńgeni qurady, bul aldyńǵy toqsanmen salystyrǵanda 5,1%-ǵa jáne jyl basynan beri 8,9%-ǵa óskenin kórsetedi. Maman sektor aktivteriniń ósimi nesielendirý kóleminiń artýymen jáne qysqa merzimdi nesielerge degen suranystyń artýymen bailanysty ekenin aitady.
- Aktivterdiń 54,1%-yn mikrokarjylyq uiymdar (MQU) quraidy, bul 1 502 mlrd teńgege teń.
- Aktivterdiń 33,2%-yn nesie seriktestikteri quraidy (921 mlrd teńge).
- Aktivterdiń 12,8%-y nemese 355 mlrd teńge lombarlarǵa tiesili.
"Sektordyń mindettemeleri de 4,9%-ǵa ósip, 2024 jylǵy 1 shildede 1 846 mlrd teńgeni qurady. Tartylǵan nesie sektory mindettemeleriniń 76%-yn nemese 1 402 mlrd teńgeni quraidy, bul sektordyń syrtqy qarjylandyrýǵa táýeldiligin kórsetedi", - deidi Alen Serik.
MQU jáne nesie seriktestikteriniń nesie portfeli shaǵyn jáne orta biznes sýbektilerine, sondai-aq jeke tulǵalarǵa berilgen nesielerden turady.
- Mikronesie portfeliniń 58,4%-y nemese 1 501 mlrd teńgesi biznesti nesieleýge tiesili.
- Qalǵan 41,6%-y nemese 1 068 mlrd teńgesi jeke tulǵalarǵa berilgen nesielerdi quraidy.
2024 jyly bizneske arnalǵan mikronesieler sektor ósiminiń negizgi draiveri boldy. Kásipkerler ainalym qarajatyn qoldaý jáne biznesti keńeitý úshin qysqa merzimdi nesielerdi paidalanady, bul nesie portfeliniń ósýine yqpal etedi.
"Nesielik portfeldiń ósýine qaramastan, merzimi ótken bereshek deńgeii salystyrmaly túrde turaqty bolyp otyr. 2024 jylǵy 1 shildedegi jaǵdai boiynsha 90 kúnnen asqan merzimi ótken bereshek úlesi 5,2%-dy qurady. Salystyrý úshin, 2023 jyldyń sońynda merzimi ótken bereshek úlesi 3,9%-dy quraǵan, bul nesie portfeliniń sapasynyń sál nasharlaǵanyn kórsetedi. Degenmen, mikronesielerge degen joǵary suranys pen shaǵyn biznestiń belsendi damýyn eskere otyryp, bul kórsetkish qolaily deńgeide qalyp otyr jáne sektordyń qarjylyq turaqtylyǵyna eleýli qaýip tóndirmeidi", - deidi sarapshy.
Onyń aitýynsha, 2024 jyly Qazaqstandaǵy mikrokarjylyq qyzmet, ásirese shaǵyn jáne orta biznesti nesielendirý segmentinde aitarlyqtai ósimdi kórsetip otyr.
"Aktivterdiń, mindettemelerdiń jáne berilgen mikronesieler kóleminiń ulǵaiýy osy sektordyń turaqtylyǵyn rastaidy. Merzimi ótken bereshek deńgeiiniń ósýine qaramastan, ol baqylanatyn deńgeide qalyp otyr, bul Qazaqstandaǵy mikronesielerge degen joǵary suranys pen sektordaǵy turaqtylyqtyń aiqyn kórsetkishi bolyp tabylady", dep naqtylaidy ol.
