Atap aitqanda:
- Zeinetaqy 7% - ǵa;
- Memlekettik bazalyq zeinetaqy tólemi 5 % - ǵa ósedi.
- Ailyq eseptik kórsetkish (AEK) – 2 917 teńge;
- Eń tómengi kúnkóris deńgeii (ETKD) – 34 302 teńge;
- Eń tómengi zeinetaqy (2021 jyly taǵaiyndaý úshin) – 43 272 teńge;
- Jańadan taǵaiyndalatyn zeinetaqy mólsherin esepteý úshin eskeriletin eń joǵary tabys 2021 jyly 46 eselengen AEK (134 182 teńge) aspaýy tiis.
Memlekettik bazalyq zeinetaqy tóleminiń mólsheri eń tómengi kúnkóris deńgeiiniń (ETKD) kóterilýine bailanysty ósirildi.
- Eń tómengi bazalyq zeinetaqy – 18 524 teńge.
- Eń joǵary bazalyq zeinetaqy (eńbek ótili 33 jyl jáne odan da kóp ) – 34302 teńge.
- Múgedektigi boiynsha, asyraýshysynan aiyrylý jaǵdaiy boiynsha memlekettik áleýmettik járdemaqylardyń mólsheri eń tómengi kúnkóris deńgeiiniń (ETKD) ózgerýine bailanysty 5% - ǵa ósti.
- Arnaýly memlekettik járdemaqylardyń (AMJ) jáne memlekettik arnaiy járdemaqylardyń (№1 jáne №2 tizim boiynsha) mólsheri ailyq eseptik kórsetkishtiń (AEK) ózgerýine bailanysty 5% - ǵa ósti.
- Memlekettik áleýmettik saqtandyrý qorynan (MÁSQ) eńbek etý qabiletinen aiyrylǵan jáne asyraýshysynan aiyrylǵan jaǵdailarda tólenetin áleýmettik tólemder 5% - ǵa ósti.
Balanyń týylýyna bailanysty tólenetin birjolǵy járdemaqy ósti jáne kelesidei boldy:
- birinshi, ekinshi jáne úshinshi balaǵa – 110 846 teńge (38 AEK).
- tórtinshi balaǵa – 183 771 teńge (63 AEK).
Balanyń bir jasqa deiingi kútimine tólenetin járdemaqylar da ósti:
- birinshi balaǵa – 16 802 teńge (5,76 AEK).
- ekinshi balaǵa – 19 865 teńge (6,81 AEK).
- úshinshi balaǵa – 22 899 teńge (7,85 AEK).
- tórtinshi jáne odan keiingi balalarǵa – 25 962 teńge (8,9 AEK).
«Altyn alqa», «Kúmis alqa» alqalarymen marapattalǵan nemese buryn «Batyr ana» ataǵyn alǵan, I jáne II dárejeli «Ana dańqy» ordenderimen marapattalǵan kóp balaly analarǵa, tabysyna qaramastan tólenetin ai saiynǵy memlekettik járdemaqynyń mólsheri 18 669 teńgeni (6,4 AEK) qurady.
Qyzmetkerlerdiń ómiri men densaýlyǵyna keltirilgen ziiandy óteý boiynsha bankrot saldarynan taratylǵan zańdy tulǵalardyń Qazaqstan azamattaryna tólemderdi kapitaldandyrý kezeńi aiaqtalǵannan keiin 2021 jyldyń 1-qańtaryna deiin taǵaiyndalǵan ai saiynǵy tólemderdiń (regresstik tólemderdiń) mólsheri de 2021 jyldyń 1-qańtarynan bastap 5% kóterildi.
