2021 jyly elordalyq oqýshylar úshin jeke ósý mektebin ashý josparlanýda
Jeke ósý mektebi – 6 jastan 16 jasqa deiingi balalar men jasóspirimderdiń kóshbasshylyq qasietterin qalyptastyrý jáne olardy «Rýhani jańǵyrý» qaǵidattary negizinde ózin-ózi tanytý boiynsha bilim berý jobasy.
Baǵdarlamanyń biregeiligi – oqytý júiesi oiyn tájiribesin (geimifikatsiia) qoldaný arqyly júzege asyrylady. Oqýǵa qazaq jáne orys tildi mektepterdiń oqýshylary tartylady. Bastapqyda joba pilottyq úlgide elordalyq Ál-Farabi atyndaǵy Oqýshylar saraiynyń bazasynda júzege asyrylmaq. Keiin sátti iske júzege asyp, jemisin bere bastaǵan soń joba odan ári óńirlerge qarai kóshiriledi.
«Elimiz álemniń eń damyǵan 30 eliniń qataryna kirýi úshin aldyna asqaq maqsattar qoiyp otyr. Munyń júzege asýy adami kapitaldyń sapasyna tikelei bailanysty. Biz búgingi balalardyń kóshbasshylyq áleýetiniń óte zor ekendigine senimdimiz», - dedi «Rýhani jańǵyrý» qazaqstandyq qoǵamdyq damý institýtynyń basqarma tóraǵasy Daniiar Esin.
Óz kezeginde Oqýshylar saraiy direktorynyń mindetin atqarýshy Raýshan Kýshibaeva óskeleń urpaq úshin atalmysh Memorandýmnyń mańyzy joǵary ekenin aityp, jas býynnyń sapaly damýyna jaǵdai jasaityndyǵyn jetkizdi.
«Rýhani jańǵyrý» qazaqstandyq qoǵamdyq damý institýtymen seriktestik básekege qabiletti jas qazaqstandyqtardy tárbieleý jolynda jańa jobalar ashýǵa múmkindik beredi», - dedi Raýshan Kýshibaeva.
Sonymen qatar, Memorandým aiasynda «Rýhani jańǵyrý» baǵdarlamasynyń qaǵidattaryn eskere otyryp, volonterlik qozǵalysty uiymdastyrý, mektep úiirmeleri men ǵylymi birlestikterdiń jumysyn jaqsartý jónindegi ádistemelik usynymdar daiyndaý máselelerinde, sondai-aq qoǵamdyq sanany jańǵyrtý salasyndaǵy áleýmettik jobalar men forsaittyq zertteýler akseleratorynyń qyzmeti sheńberinde ózara is-qimyl boiynsha yntymaqtastyqty júzege asyratyn bolady
