2020 jylǵa deiin 84 eldi meken aýyzsýmen qamtylady
Aimaq basshysy jalpy óńirde ortalyqtandyrylǵan aýyzsý júiesine qosylmaǵan 200-den astam aýyl bar ekenin aita kele, jiynda baiandama jasaǵan oblystyq energetika jáne turǵyn-úi kommýnaldyq sharýashylyq basqarmasynyń basshysy M.Maraiymǵa birqatar tapsyrmalar júktedi.
– Búginde oblys halqynyń 12 paiyzy, iaǵni shamamen 200 myńǵa tarta turǵyny ortalyqtandyrylǵan aýyzsý júiesine qosylmaǵan. Osy baǵyttaǵy jumystardy júielendirýmiz kerek. Baǵdarlama talaptaryna sáikes, eldi mekenderde qurylys jumystaryn júrgizý úshin, birinshi kezekte jerasty sý qorlaryna geologiialyq izdeý-barlaý jumystaryn júrgizý qajet. Osy jumystardyń qorytyndysy negizinde qurylys jumystaryn júrgizý úshin jobalaý-smetalyq qujattaryn ázirleý kerek, – dedi Janseiit Qanseiituly.
Basqarma basshysy osy baǵytta, 2016-2018 jyldary halyq sanynyń basymdyǵyna qarai 117 eldi mekenniń jobalaý-smetalyq qujattary ázirlengenin jetkizdi. Oblystyń damý josparyna sáikes, aldaǵy úsh jylda 84 eldi mekendi ortalyqtandyrylǵan aýyzsýmen qamtý josparlanyp otyr. 2018 jyly aýyzsý salasyna 11,0 mlrd teńge bólinip, 76 nysannyń qurylysy iske asyrylýda. Onyń ishinde, 20 nysan aǵymdaǵy jyly paidalanýǵa berilse, 56 nysannyń qurylysy 2019 jylǵa ótpekshi. Sonymen qatar basqarma basshysy jyl sońyna deiin 13 eldi meken aýyzsý júielerimen qamtylsa, eki eldi mekenniń tozyǵy jetken sý qubyrlary qaita jańartylyp, eki móltek aýdanda jáne tórt sýaǵarlar qurylysy aiaqtalatynyn aitty.
Jiyndy qorytyndylaǵan oblys ákimi basqarma basshysyna ózge aimaqtarmen salystyrǵanda halqty aýyzsýmen qamtý deńgeii qandai ekenin anyqtaýdy jáne atalǵan salaǵa avtomattandyrý júiesin engizýdi tapsyrdy.
