Osylaısha, 2016 jyly Qytaıda bútin bir Qazaqstannyń halqy nemese 17,6 mıllıon adam dúnıege kelgen. Al, 2011-2015 jyldar aralyǵynda ár jyl saıyn 1,4 mıllıon sábıden týylyp otyrypty.

Týý kórsetkishiniń kúrt artýyna 2015 jyly zańǵa engizilgen ózgerister sebep bolǵan. Bul qujatqa sáıkes, 2016 jyldan bastap ár otbasyna qoıylyp kelgen 1 bala shekteýi alynyp tastaldy.

«Bala týa alatyn áıelderdiń sany 5 mıllıonǵa deıin qysqaryp ketýinen keıin týý kórsetkishi birden ósip otyr. Bul úkimettiń der kezinde qolǵa alǵan sharasy bolyp otyr», — deıdi QHR Densaýlyq saqtaý jáne otbasyn josparlaý ulttyq komısıasy jetekshileriniń biri Ian Venchjýan.

Onyń aıtýynsha, 2020 jylǵa deıin Qytaıdaǵy bala týa alatyn áıelderdiń sany jyl saıyn 5 mıllıonǵa kemip otyrady. Soǵan qaramastan, eldegi týý kórsetkishi jyl saıyn 17-20 mıllıon sábıden kem bolmaq emes. Osylaısha, HHİ ǵasyrdyń ekinshi onjyldyǵynda eldegi halyq sany 1,42 mıllıard adamǵa jetedi. 2015 jyldyń jeltoqsanynda bul kórsetkish 1,37 mıllıardqa teń bolatyn.

Osynaý maqsatqa qol jetkizý úshin Qytaı úkimeti medısına qyzmetkerleriniń sanyn arttyryp, jańa perzenthanalar salýdy kózdep otyr.

Derekkóz: sn.kz