Sinoptikter 20 sáýirde aýa raiy qandai bolatynyn aitty, dep habarlaidy Dalanews.kz.
Skandinaviialyq antitsiklonnyń silemi saldarynan elimizdiń soltústiginde, shyǵysynda jáne ortalyǵynda aýa raiy jaýyn-shashynsyz, birshama salqyn bolady. Alaida aýa massalarynyń aýysýyna bailanysty temperatýranyń birtindep joǵarylaýy kútiledi.
Elimizdiń batysy men ońtústiginde turaqsyz aýa raiy boljanady: jańbyr jaýyp, naizaǵai oinaidy, al ońtústik oblystardyń taýly aimaqtarynda jańbyr men qar túrindegi jaýyn-shashyn túsip, jeldiń kúsheiýi múmkin.
Respýblika boiynsha túngi jáne tańǵy ýaqytta tuman túsýi yqtimal.
Kúndiz batysta, soltústikte jáne ortalyqta aýa temperatýrasy 15–23 gradýsqa deiin kóteriledi, shyǵysta 10–18 gradýs jyly bolady, al ońtústik pen ońtústik-shyǵysta 17–28 gradýsqa deiin jylynady.
