Shymkenttik "Ordabasy" jáne Qazaqstan ulttyq quramasynyń kapitany Ashat Taǵybergen basqa klýbqa aýysýy múmkin, – dep habarlaidy Dalanews.kz.
Qazaqstan Fýtbol federatsiiasy prezidentiniń keńesshisi Nursultan Qurman fýtbolshymen sóileskenin, Ashat Taǵybergen bul aqparatty rastaǵanyn aitty.
"Ashat Taǵybergen "Ordabasydan" ketkenin rastady. Kelisimsharttyń aiaqtalýyna 10 ai qalǵan edi. Tolyq kompensatsiiasyn da talap etpepti. Eń az nusqasyn tańdaǵan. Ázirge jańa klýbqa aýyspaǵan. Jaqyn kúnderi aqparat bolyp qalar…" - dep jazdy ol.
Eske salaiyq, buǵan deiin Shymkent ákimi Ǵabit Syzdyqbekov "Ordabasynyń" qarjylyq problemalary týraly aita kele, Ashat Taǵybergen 20 mln teńge jalaqy alyp otyrǵanyn, soǵan qaramastan joǵary deńgeide fýtbol oinai almaitynyn málimdegen edi.
"Seryi CARDINAL" arnasynyń málimetinshe, Taǵybergenge "Turan" men "Qaisar" klýbtary kóz tigip otyr.
Sondai-aq, áleýmettik jelide "Tobyl" tarapynan da qyzyǵýshylyq bolǵany týraly aqparat tarady.
