Tekserý qorytyndysy boiynsha 2,2 mln.gektar aýmaqta jer zańnamasyn buzýshylyqtardy joiý týraly 1342 uiǵarym berildi, dep habarlaidy Dalanews.kz.
"Buryn berilgen nusqamalar negizinde 311,3 myń gektar aýyl sharýashylyǵy jerlerin igerý bastaldy. 200,4 myń gektar alqapta paidalanylmaityn jerlerdi alyp qoiý boiynsha sot talqylaýlary júrgizilýde. JAO qabyldaǵan sheshimderdiń zańdylyǵyn memlekettik baqylaý sheńberinde 368,5 myń gektar alqapta aýyl sharýashylyǵy maqsatyndaǵy jerlerdi berý týraly 875 zańsyz sheshim anyqtaldy, onyń ishinde 84 sheshim joiyldy. Negizgi buzýshylyqtar konkýrstyq rásimderdi ainalyp ótýge jáne jalpyǵa ortaq paidalanylatyn jaiylymdardy zańsyz bólýge bailanysty", - delingen habarlamada.
Jyl basynan beri atqarylǵan jumystardyń qorytyndysy boiynsha 2 mln. gektardan astam jer memleket menshigine qaitaryldy, bul 2024 jylǵy jospardy merziminen buryn oryndaýǵa múmkindik berdi.
